ସୁଖୀ ପରିବାର

   

ବାଘ ସିଂହ ଆଉ ଶୃଗାଳ ମିଶି

ସଭା କରୁଥିଲେ ଅରଣ୍ୟେ ବସି ll

ସଫା ହୋଇଲାଣି ଏହି ଅରଣ୍ୟ

ଶିକାର ମିଳୁନି କରିବା କଣ ll

ବାଘର ମୁହଁରୁ ଏକଥା ଶୁଣି

ସଭିଙ୍କ ମଧ୍ୟରେ ହେଲା ଭାଲେଣି ll

ସିଂହ କହିଲା ମିଳିମିଶି ଆଜି

ଅରଣ୍ୟ କୁ ଯିବା ଶିକାର ଖୋଜି ll

ଜଙ୍ଗଲ ମଧ୍ୟରେ ମିଶି ଖୋଜିଲେ

ଗୋଟିଏ ସମ୍ବର ଖୋଜି ପାଇଲେ ll

ଶିକାର କୁ ଦେଖି ଖୁସି ଯେ ମନ

ମାଂସ କୁ କରିଲେ ଭାଗ ସମାନ ll

ନିଜେ ନିଜ ନିଜ ଭାଗ ଧରିଲେ

ଆନନ୍ଦ ମନେ ଘରକୁ ଆସିଲେ ll

ଗୋଟେ ବୋଲି ଛୁଆ ବାଘର ଜାଣ

ସିଂହ ଛୁଆ ଅଟେ ତା ଦୁଇ ଗୁଣ  ll

ଯେତେଗୋଟି ଛୁଆ ବାଘର ଜାଣ

ବିଲୁଆର ଛୁଆ ତା ତିନି ଗୁଣ ll

ଯାହାର ଯେତୋଟି ଯେ ଛୁଆ ଥିଲା

ସେହିପରି ମାଂସ ଭାଗ ହୋଇଲା ll

ଗୋଟେ ଭାଗ ବାଘ ଛୁଆ ପାଇଲା

ସିଂହ ମାଂସ ଦୁଇ ଭାଗ ହୋଇଲା ll

ବିଲୁଆ ଛୁଆଙ୍କ ଭାଗ ଆସିଲା

ଛଅ ଭାଗ ମାଂସ ଭାଗ ହୋଇଲା ll

ବାଘ ଛୁଆ ମନ ବହୁତ ଖୁସି

ସବୁଯାକ ମାଂସ ଖାଇଲା ବସି ll

ଛୋଟ ପରିବାର ଅଟେ ଯାହାର 

ସୁଖୀ ପରିବାର ନିଶ୍ଚୟ ତାର ll