ଗଣ୍ଠିଲି

ପଥରେ ପଥିକଟିଏ ଚାଲୁଥିଲେ

ସାଥିରେ କିଛି ଥାଉ ବା ନଥାଉ

ସାଥିରେ ଥାଏ ଗୋଟିଏ ଗଣ୍ଠିଲି

କିନ୍ତୁ ଏବେ ଏସବୁ ସ୍ୱପ୍ନ ll

କିନ୍ତୁ ସେ ଗଣ୍ଠିଲିରେ କଣ ଅଛି

କେହି କେବେ ବି ଦେଖିନାହିଁ ବୋଧେ

ସେ ଯାହା ବି ହେଉ

ପଥିକର ଭାବନା ଭବିଷ୍ୟତ ଆଉ

ବିଶ୍ୱାସ ସହିତ ଯୋଡି ହୋଇଥାଏ ନିଶ୍ଚିତ ll

ବେଳେ ବେଳେ ଲୋକମାନେ ମଧ୍ୟ

ସନ୍ଦେହ ଦୃଷ୍ଟିରେ ଦେଖିବାପାଇଁ ପଛାନ୍ତି ନାହିଁ 

ଅନେକ ଟାହି ଟାପରା ମଧ୍ୟ

ସହିବାକୁ ପଡିଥାଏ ଏହି ଗଣ୍ଠିଲି ପାଇଁ ll

ବେଳେ ବେଳେ ମଧ୍ୟ ପାଗଳର ଆଖ୍ୟା

ଦେଇ ଥାନ୍ତି ଅନେକ ସମୟରେ

ତଥାପି ଏସବୁକୁ ଖାତିରି ନକରି

ଆଗେଇ ଚାଲିଥାଏ ନିଜର

ଗନ୍ତବ୍ୟ ପଥ ଅଭିମୁଖେ ll

ସମସ୍ତଙ୍କ ହୃଦୟ ସମାନ ନୁହେଁ

କେତେକ ମଧ୍ୟ ଭାବବିହ୍ଵଳ ହୋଇଯାନ୍ତି

ସାହାଯ୍ୟ କରିବା ପାଇଁ ଚେଷ୍ଟା କରିଥାନ୍ତି

ନିଜର ସକ୍ଷମ ଅନୁଯାୟୀ ll

କିନ୍ତୁ ଆଜିକାଲି ପଥରେ ପଥିକ  

ଦେଖିବା ପାଇଁ ମିଳୁ ନାହାଁନ୍ତି 

ଆଉ ଗଣ୍ଠିଲି ତ ସାତ ସ୍ୱପ୍ନ 

ଏହା ଯୁଗର ପରିବର୍ତ୍ତନ ହେଉ

ଅବା ବିଜ୍ଞାନର ଦୃଢ଼ ଅଗ୍ରଗତି

ହେଉ ଅବା ସାମାଜିକ ସ୍ତରରେ

ସମାଜର ଉନ୍ନତି

କିନ୍ତୁ ଏହା ଆଜି ବିଲୁପ୍ତ ପ୍ରାୟ

ଏହା ହିଁ ସତ୍ୟ ll