ଦାଦନ

   

ମନରେ ଅନେକ ଆଶା 

    ଆଖିରେ ଆଖିଏ ସପନ

ଏ ପରିସ୍ଥିତି ବାଧ୍ୟ କରୁଛି

    ମୋତେ ଖଟିବାକୁ ଦାଦନ ll

ଭୁଲି ଯାଇନି ମୁଁ ମୋ ଗାଆଁକୁ

     ପିଲା ଛୁଆ ପରିବାରକୁ

ମନେ ପଡେ ଯେ କରଜକୁ

     ବାଧ୍ୟ ଦାଦନ ଖଟିବାକୁ ll

ମୋ ସାଙ୍ଗ ସାଥି ମନେପଡେ

     ମୋ ଅମାନିଆ ମନ ପାଇଁ

ଦାରିଦ୍ର୍ୟତାର ଏ କଷଣ

     କପଳେ ମୋ ଭରିଛ ସାଇଁ ll

ମନରେ ଅନେକ ଯନ୍ତ୍ରଣା

     ତଥାପି ଓଠରେ ଏ ହସ

ସାମ୍ନା ଲୋକ ଜାଣିପାରେନା

&n

Advertisement

bsp;    ମୁଁ ଯେ ଦାଦାନର ବଶ ll

ସହିଛି ସହିବି କଷଣ

      କଷ୍ଟ କରି ଅର୍ଜିବି ଧନ

ଭରିବି ସୁଖ ମୋ ସଂସାରେ

      ମୁଁ ନିଶ୍ଚେ କରିଅଛି ପଣ ll

ଏମିତି ଅନେକ ଭାବନା

     ନାହିଁ ସୁଖ ସୌଖୀନ୍ ଆଶା

ଏ ପରିସ୍ଥିତିର ଦାସ ମୁଁ

    ଏହା ତ ନୁହେଁ ମୋର ନିଶା ll

ଜୀବନ ଆଶାର କିରଣ

      ସବୁ ସ୍ମୃତି ଆଉ ସପନ

ତେଣୁ ମୁଁ ଖଟୁଛି ଦାଦନ

     ସମୟ ନିଶ୍ଚେ ବଳବାନ ll