ଲାଇବ୍ରେରୀ
ପ୍ରୋଫାଇଲ୍
ତୋ କଳା
ତୋ କଳା
1 min
203
ତୁମ କଳା ରଙ୍ଗ ଦିଶୁଛି ସୁନ୍ଦର
କହୁଛି ସାରା ସଂସାର
ସେଇ କଳା ରଙ୍ଗ କା ଦେହେ ଲାଗିଲେ
ବଦଳି ଯାଏ ନଜର ll
ତୁମରି କଳାରେ କେଉଁ କଳା ଅଛି
ସଭିଙ୍କୁ ଦିଶେ ସୁନ୍ଦର
ନିନ୍ଦା ଅପବାଦ ହୋଇଯାଏ ଯୋଡି
ଥିଲେ ଅନ୍ୟର ପାଶର ll
ଷୋହଳ କଳା ଯେ ରଖିଛ ପାଖରେ
କି କଳା ତୁମ ଦେହରେ
ସେଇ କଳା କିବା ବଢାଏ ଗାରିମା
କୁହ ହେ ମଣିମା ଥରେ ll
କଳା ରଙ୍ଗ ଭଲ ପାଉଛୁରେ ବୋଲି
ନାମ ରଖିଛୁ କାଳିଆ
ତୋ କଳାରୁ ଟିକେ ଭରିଦେ ମୋ ଦେହେ
ତୁ ପରା ନୀଳାଚଳିଆ ll
ଜଣା ତ ପଡିବ କାହାର ଏ ଦୋଷ
ରଙ୍ଗ ନା ନଜରର
ସେତେବେଳେ ଆଉ ଦୋଷ ଯେ ନଥିବ
ଭ୍ରମ ହୋଇଯିବ ଦୂର ll
