ଭଲ ପିଲାଟିଏ ମୁହିଁ

ଫୁଲ ପରି ସିନା    କୋମଳ ଦିଶଇ

    ସରଳ ତାହାର ମନ ।

ଗୁରୁଜନେ ଭକ୍ତି  ଉତ୍ତମ ଚରିତ୍ର

   ସେହି ଶିଶୁ ଭାଗ୍ୟବାନ ।।

ଆଜିର ଯେ ଶିଶୁ    କାଲି ନାଗରିକ

     ଜାଣିଛି ଦେଶ ଦୁନିଆଁ ।

ସ୍ନେହ ଶ୍ରଦ୍ଧା ଭକ୍ତି   ଅନ୍ତରରେ ଥିଲେ

     ହେବ ନାହିଁ ଅମାନିଆଁ ll

ଛୋଟିଆ ବେଳରୁ   ଗଢ଼ିବ ଯେମିତି

     ଶିକ୍ଷା ଓ ସଂସ୍କାର ପାଇ ।

ବଡ଼ ହେଲେ ନିଶ୍ଚେ   ସେ ପଥେ ଚାଲିବ

       ଡରିବାର କିଛି ନାହିଁ ll

ନିଶ୍ଚେ ଦିନେ ପୁଣି     କହିବ ଜଗତ

    ତାହାପରି କେହି ନାହିଁ।

ସତ୍ୟ ଧର୍ମ ନ୍ୟାୟ     ମୂଳ ମନ୍ତ୍ର ମୋର

      ଭଲ ପିଲାଟିଏ ମୁହିଁ ।।