ତାନିର ଆଜି ଜନମଦିନ

ତାନିର ଆଜି ଜନମ ଦିନ

 ଘର ହୋଇଛି ସଜା

ଯତନେ ମାମା କରିଛି ଘରେ

  କାକରା ପିଠା ଖଜା

ଶୁଭ ମନାସି କବିତାଟିଏ

   ପଠାଇଛନ୍ତି ଜେଜ

ଅଜା ଆଈ ତ ପଠାଇଛନ୍ତି

   କେତେ ଯେ ନୂଆ ଚିଜ

ସରଗପରୀ ପରିକା ତାନି

  ହୋଇଛି ଆଜି ବେଶ

ଜଗତଜିତା ତାନି ଆମର 

  ମୁହଁଟି ହସହସ

ଦେଉଳ ଯିବା ପାଇଁ କି ଯେବେ

   ମାମାଙ୍କୁ କହେ ଯାଇ

 ମାମା କହିଲେ ଦେଉଳ ମନା

   କରୋନା କୋପ ପାଇଁ ।

କରୋନା ପାଇଁ କାହା ଘରକୁ 

   ଯାଉ ନାହାନ୍ତି କେହି

କରୋନା ଡରେ ସାଙ୍ଗ ସାଥୀଙ୍କୁ

   ଡାକିନି ତାନି ଯାଇ ।

ଆସିବେ ନାହିଁ ଜେଜ ଜେଜିମା

    ଆସିବେ ନାହିଁ ଆଈ

ମାମୁଙ୍କ ସାଥେ ଆସିବେ ନାହିଁ

   ତାନିର ନୂଆ ମାଇଁ ।

      

ଘରେ ତ ବସି ଦିଅଁଙ୍କ ପାଶେ

    କରନ୍ତି ସବୁ ଅଳି

ଫୁଲ ପରିକା ତାନି ଆମର 

    ବାସନା ଦେଉ ଢାଳି