ଶିକ୍ଷକ

ବିଶ୍ୱକୁ ପ୍ରଦାନ ଶିକ୍ଷାର ମାନ

ଶିକ୍ଷା ଦାନ ତାଙ୍କ ଅଟେ ମହାନ 

ବିଶ୍ୱାସ ର ଭାର କାନ୍ଧରେ ଥାଏ

ଗୁରୁ ସାହଚର୍ଯ୍ୟ କି ଅନ୍ୟଥା ହୁଏ !!

କୁମ୍ଭାର ପରି କଞ୍ଚା ମାଟି ହାତରେ

ଚାଲି ଶିଖାନ୍ତି ସେ କୁନି ପାଦରେ 

ସ୍ନେହ ଆକଟ କୁ ସାଥିରେ ଧରି

ବାନ୍ଧି ହୋଇଯାଏ ସମ୍ପର୍କ ଡୋରି !!

ଶିକ୍ଷକ ଯୋଡ଼ନ୍ତି ପୁଣି ଅମ୍ବର ଧରା

ଚତୁର୍ଦ୍ଦିଗେ ବାଜେ ସମ୍ମାନ ନାଗରା 

ଇତିହାସ ସ୍ରଷ୍ଟା ସୃଷ୍ଟି ବର୍ତ୍ତମାନ ରେ

ଶିକ୍ଷକ ଈଶ୍ୱର ରୂପେ ଧନ୍ୟ ମହୀରେ !!

ଅନ୍ଧାର ରୁ ଆଲୋକ ର ପଥ ଦେଖାନ୍ତି

ଜୀବନ ରେ ପୁଣ୍ୟ ବଳେ ଗୁରୁ ମିଳନ୍ତି

ବିଦ୍ୟା ବଳେ ବଳୀୟାନ ସଂସାରେ ନର

ଗୁରୁ ବିନା ଛାତ୍ର ଜୀବନ କି ନାରଖାର !!