ଶୀତ ପାଇଁ ଚିଠିଟିଏ

ଶୀତକୁ ଲେଖିଛି ଏଇ ସନ ଚିଠି

ମୋ ସାଥେ ବସିବ ମିତ 

କାଲୁଆ ଦେହରେ ଉଷ୍ଣତା ଭରି

ଆନନ୍ଦେ ଗାଇବି ଗୀତ

ଶୋଇ ଯାଅନାହିଁ ଶିଶିର ସେଜରେ

ମନରେ ଆସୁଛି ଭିତ

ଶୀତ କୁ ଲେଖିଛି ଏଇସନ ଚିଠି

ମୋ ସାଥେ ବସିବ ମିତ ।

ରେଶମୀ ଚାଦାର ରଖିଛି ସାଇତି

ପିଆଲାରେ ପ୍ରେମ ମଧୁ

ଧୀରେଧୀରେ ଶୀତ ପାଖେ ଲାଗିଆସ

ବୋଳିଦିଅ ଦେହେ ଯାଦୁ

ତୁମ ପରସରେ ସ୍ନିଗ୍ଧ ଏ ମନ

ଚଞ୍ଚଳ ହୁଏ ମୋ ହାତ

ଶୀତକୁ ଲେଖିଛି ଏଇସନ ଚିଠି

ମୋ ସାଥେ ବସିବ ମିତ ।

ବାହୁ ଯୁଗଳରେ ଜାବୁଡୁ ରଖିବି

କେବେ ଛାଡ଼ିଦେବି ନାହିଁ

ସହି ପାରିବିନି ଗ୍ରୀଷମ କଷଣ

ଲେଖୁଛି ତୋ ମୁହଁ ଚାହିଁ

ଆହୁରି ପାଖକୁ ଆସ ଆଗୋ ଶୀତ

ବେଳ ହୁଏ ରତ ରତ

ଶୀତ କୁ ଲେଖୁଛି ଏଇସନ ଚିଠି

ମୋ ସାଥେ ବସିବ ମିତ ।