ସେଦିନର ଦେଖା

ଦେଖା ହୋଇଥିଲା ପୁଷ୍ପ ବାଟିକାରେ

ଚାରି ଚକ୍ଷୁ ର ମିଳନ

ସତେ ଅପରୂପା ସୁଷମା ସମ୍ଭାରେ

ଅଛି ମନେ ମୋ ସେଦିନ

ହିରଣ୍ମୟୀ ତୁମେ ତୁଳନା କିପରି

କରିପାରିବ ଏ ମନ

ଦେଖା ହୋଇଥିଲା ପୁଷ୍ପ ବାଟିକାରେ

ଚାରି ଚକ୍ଷୁ ର ମିଳନ ।

ଲାଖି ରହିଥିଲା ତୁମ ପଟ୍ଟଚିତ୍ର

ମୋ ମାନସ ହୃଦୟରେ

କିଏ ଏ ତାପସ୍ୱି କେଉଁ ଅଭିପ୍ରାୟେ

ହାବୁଡ଼ିଲେ ଏହି ଠାରେ

ସବୁ କଳ୍ପନା କୁ ପଛରେ ପକାଇ

ଧନୁ ଭଙ୍ଗ ସମାପନ

ଦେଖାହୋଇଥିଲା ପୁଷ୍ପ ବାଟିକାରେ

ଚାରି ଚକ୍ଷୁ ର ମିଳନ ।

ବରମାଲ୍ୟ ଦେଇ ଆସିଥିଲ ତୁମେ

ଅଯୋଧ୍ୟା ର ଯୁବ ରାଣୀ

ପାହିବାକୁ ରାତି ଅଳପ ବାକି ଗୋ

ସହିଲାକି ଏ ଧରଣୀ

ପିତୃ ସତ୍ୟ ପାଳି ମୋର ସାଥେ ତୁମେ

କରିଲ ବନ ଗମନ

ଦେଖା ହୋଇଥଲା ପୁଷ୍ପ ବାଟିକାରେ

ଚାରି ଚକ୍ଷୁ ର ମିଳନ ।