Library
Profile
ସ୍ମୃତି
ସ୍ମୃତି
ସ୍ମୃତି ତୁମେ କେବେ ଶୀତ ସକାଳର
କଅଁଳ ଖରାର ତାତି
କେବେ ତୁମେ ପୁଣି ପୂର୍ଣ୍ଣମୀ ଜନ୍ହ ଓ
କଇଁ ଫୁଲର ସେ ପ୍ରୀତି ।
ସ୍ମୃତି ତୁମେ କେବେ କାଳବୈଶାଖୀ
ଅଦିନ ବର୍ଷାର ଝଡ଼
କେବେ ତୁମେ ପୁଣି ଅଚାନକ ଆସି
ବଦଳlଅ ଜୀବନ ମୋଡ ।
ସ୍ମୃତି ତୁମେ କେବେ ଗଭୀର ସମୁଦ୍ର
ଜୁଆର ସାଙ୍ଗକୁ ଭଟ୍ଟା
ହୃଦୟର କେଉଁ କୋଣେ ତୁମ ଚିହ୍ଣ
ଭରିଦିଏ ମନେ ବ୍ୟଥା ।
ସ୍ମୃତି ତୁମେ ଏଇ ରାତି ଅଂଧକାରେ
&nbs
p; ଆଖିର ଉଷୁମ ଲୁହ
ଆସ ତୁମେ ପୁଣି ଧରି ମୋ ଅତୀତ
ଛାତିରେ ଛାତିଏ କୋହ ।
ଦିନ ପରେ ଦିନ କଟିଯାଏ ଏଠି
ହୋଇଯାଏ ସିଏ ସ୍ମୃତି
ସବୁ ସୁଖ ଥାଇ ଅଚାନକ ଆସି
ଭାରି କଷ୍ଟ ଦିଏ ସାଥି ।
ସ୍ମୃତି ତୁମେ କେବେ କୃଷ୍ଣଚୂଡ଼ା ରଙ୍ଗେ
ନାଲି ନାଲି ଦିଶୁଥାଅ
ମନେ ଶିହରଣ ଖେଳାଇ ହୃଦୟେ
ପ୍ରୀତିର ସଂଗୀତ ଗାଅ ।
ଦୁଃଖ ସୁଖ ଭରା ସ୍ମୃତି କହେ ମୋର
ଅତୀତ ର କେତେ କଥା
ପ୍ରଥମ ପ୍ରେମର ଅନୁଭୁତି ସହ
ମନର ଅକୁହା ବ୍ୟଥା ।
