End of Summer Sale for children. Apply code SUMM100 at checkout!
End of Summer Sale for children. Apply code SUMM100 at checkout!

Swayamsiddhadas Das

Romance Classics


4.3  

Swayamsiddhadas Das

Romance Classics


ସ୍ମୃତି

ସ୍ମୃତି

1 min 15 1 min 15

ସ୍ମୃତି ତୁମେ କେବେ ଶୀତ ସକାଳର 

        ସୂର୍ଯ୍ୟ ଆଲୋକର ତାତି 

କେବେ ତୁମେ ପୁଣି ପୂର୍ଣ୍ଣମୀ ଜନ୍ହ ଓ 

       କଇଁ ଫୁଲର ସେ ପ୍ରୀତି ।

ସ୍ମୃତି ତୁମେ କେବେ କାଳବୈଶାଖୀ 

       ଅଦିନ ବର୍ଷାର ଝଡ଼ 

କେବେ ତୁମେ ପୁଣି ଅଚାନକ ଆସି 

      ବଦଳlଅ ଜୀବନ ମୋଡ ।

ସ୍ମୃତି ତୁମେ କେବେ ଗଭୀର ସମୁଦ୍ର 

      ଜୁଆର ସାଙ୍ଗକୁ ଭଟ୍ଟା 

ହୃଦୟର କେଉଁ କୋଣେ ତୁମ ଚିହ୍ଣ 

     ଭରିଦିଏ ମନେ ବ୍ୟଥା ।

ସ୍ମୃତି ତୁମେ ଏଇ ରାତି ଅଂଧକାରେ 

     ଆଖିର ଉଷୁମ ଲୁହ 

ଆସ ତୁମେ ପୁଣି ଧରି ମୋ ଅତୀତ 

    ଛାତିରେ ଛାତିଏ କୋହ ।

ଦିନ ପରେ ଦିନ କଟିଯାଏ ଏଠି 

    ହୋଇଯାଏ ସିଏ ସ୍ମୃତି 

ସବୁ ସୁଖ ଥାଇ ଅଚାନକ ଆସି 

    ଭାରି କଷ୍ଟ ଦିଏ ସାଥି ।

ସ୍ମୃତି ତୁମେ କେବେ କୃଷ୍ଣଚୂଡ଼ା ରଙ୍ଗେ 

    ନାଲି ନାଲି ଦିଶୁଥାଅ 

ମନେ ଶିହରଣ ଖେଳାଇ ହୃଦୟେ 

    ପ୍ରୀତିର ସଂଗୀତ ଗାଅ ।

ଦୁଃଖ ସୁଖ ଭରା ସ୍ମୃତି କହେ ମୋର

    ଅତୀତ ର କେତେ କଥା 

ପ୍ରଥମ ପ୍ରେମର ଅନୁଭୁତି ସହ 

    ମନର ଅକୁହା ବ୍ୟଥା ।


Rate this content
Log in

More oriya poem from Swayamsiddhadas Das

Similar oriya poem from Romance