ଇଂରାଜୀ ସ୍କୁଲ
ଇଂରାଜୀ ସ୍କୁଲ
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ଛତୁଫୁଟିଲାଣି ଇଂରାଜୀ ସ୍କୁଲ
ଓଡିଶାର ସବୁ ଆଡେ
ସରକାରୀ ସ୍କୁଲରେ ପିଲା କମୁଛନ୍ତି
ଭାଳେଣି ସେଠାରେ ପଡେ ।
ସରକାରୀ ଶିକ୍ଷକ ବୁଝାନ୍ତି ଲୋକଙ୍କୁ
ପିଲା ଛାଡ଼ିଯାଅ ଏଠି
ତାଙ୍କ ପିଲା କଥା ପଚାରନି ଭାଇ
ସବୁ ରାଜନୀତି ସେଠି ।
ନେତାମନ୍ତ୍ରୀ ଯେବେ ସଭାସମିତିରେ
ଉଠାନ୍ତି ସ୍କୁଲର କଥା
ଲୋକ ସମ୍ମୁଖରେ ବୋଲନ୍ତି ସେ ପୁଣି
ସରକାରୀ ସ୍କୁଲ ଗାଥା ।
ଘରେ ଯାଇ ସବୁ ପାଶୋରି ଦିଅନ୍ତି
ଖୋଜନ୍ତି ଇଂରାଜୀ ସ୍କୁଲ
ତାଙ୍କ ପିଲା ସବୁ ସେଠାରେ ପଢି
ମୋଡେର୍ନ ହେବେ ବିଲକୁଲ ।
ଅଣ୍ଡାଦିଆ ସ୍କୁଲ ସରକାରୀ ସ୍କୁଲ
ପାଠପଢା ହୁଏ ନାହିଁ
ସଭିଙ୍କ ମୁଁହରେ ଭ୍ରମ ଧାରଣା ଏ
ପଶିଛି ଜାଣେନା କାହିଁ ।
ଖେଳିବା ବୁଲିବା ବୟସେ ଦେଉଛ
ମାନସିକ ଯନ୍ତ୍ରଣା
ଭଲ କରିବା କୁ ଯାଇ ଅଜାଣତେ
କରୁଅଛ କୁ -ମନ୍ତ୍ରଣା ।
ବୋହି ପାରୁନାହିଁ ବସ୍ତାନିର ବୋଝ
ପଢିବ ସିଏ କି ପାଠ
ଏହି ବୟସରେ ପାଠପଢା ଛାଡି
ଶିଖାଅ ପିଲାଙ୍କୁ ଶାଠ ।
ତିନିବୟସର ପିଲାକୁ ଯେ ମା
ଛାଡ଼ୁଛି ପ୍ଲେ ସ୍କୁଲରେ
ଭାବୁଛି ତା ପିଲା ଶୀଘ୍ର ପାଠ ପଢି
ଶିଖିଯିବ ସବୁ ଆଗରେ ।
ଭୁଲିଯାଉଛ କି ମା ମାନେ ସବୁ
ପିଲାର ଶୈଶବ କଥା
କଣ୍ଢେଇ ଖେଳ ଓ ସଢ଼େଇ ଖେଳ ଯେ
ଯିବନାହିଁ କେବେ ବୃଥା ।
କଣ୍ଢେଇ ଖେଳରେ ଶିଖିଥାଏ ପିଲା
ବସ୍ତୁର ଅସ୍ଥିତ୍ୱ ପାଠ
ଖେଳ ବାହାନାରେ ପରିବାର ବୁଝେ
ଶିଖେ ପୁଣି କେତେ ଶlଠ ।
ଇଂରାଜୀରେ ପଦେ କଥା କହିଦବା
କିଛି ବଡ କଥା ନୁହେଁ
ମାତୃଭାଷାକୁ ଶୁଦ୍ଧ ଆକାରରେ
କହିକି ପାରିବ ସିଏ ।
ସବୁ ଭାଷା ଶିକ୍ଷା କରିବା ଜରୁରୀ
କେବଳ ଓଡ଼ିଆ ନୁହେଁ
ହେଲେ...
ସମୟ ପୂର୍ବରୁ ବୋଝ ଲୋଦିଦେଲେ
ନୁହେଁ କି ମୁର୍ଖତା ଇଏ ।
କହିବା ଆଗରୁ ନିଜେ କରିବା
ଏହି ମନୋବୃତି ରଖ
ସରକାରୀ ସ୍କୁଲରେ ପଢ଼େଇ ପିଲାଙ୍କୁ
ପରଖି କି ଥରେ ଦେଖ ।