ଅଭିନନ୍ଦନ

ବିତିଗଲା ଦିନ, ବିତିଲା ରାତି

ଛାଡ଼ିବନି ହାତ ତୁମେ କେବେ ସାଥୀ

ଏ ମୁହୂର୍ତ୍ତ ସ୍ମରଣ ରହିଲା ।

ନୀଳାକାଶୁ କେହି ପରୀଟିଏ ଆସି

ବିବାହ ବାର୍ଷିକୀ ର ଅଭିନନ୍ଦନ 

ମୋର କାନେ ଚୁପି ଚୁପି କହିଲା ।।

ପରିବାର ସଙ୍ଗେ ବନ୍ଧୁ ପରିଜନ

କେତେ ସାଙ୍ଗ କେତେ ସାଥୀ ।

ଲାଗୁଥିଲା ସତେ ତାରା ଚାନ୍ଦ ମେଳେ

ଆଜି ଝଲସି ଉଠୁଛି ରାତି ।।

କେତେ ଉପହାର କେତେ ଆଶୀର୍ବାଦ

କେତେ ଯେ ଅଭିନନ୍ଦନ ।

ଆନନ୍ଦ ଉଲ୍ଲାସେ ଏ ଶୁଭ ମୁହୂର୍ତ୍ତେ

କମ୍ପୁଛି ଆଜି ମୋ ହୃଦୟର ସ୍ପନ୍ଦନ ।।

କେତେ ରାଗରୁଷା କେତେ ମୁହଁଫୁଲା

କେତେ ମାନ ଅଭିମାନ ।

ସବୁକୁ ପାସୋରି ଆପଣାର କଲ

ଧନ୍ୟ ତୁମ ପ୍ରତିଦାନ ।।

ଦେଖୁ ଦେଖୁ ଗୋଟେ ବରଷ ବିତିଲା

ସତେ ଯେମିତି ଲାଗୁଅଛି କାଲି ପରି ।

ପରଶେ ତୁମର ଖୁସିର ଲହରୀ 

ଆଜି ଆକାଶୁ ପଡୁଛି ଝରି ।।

ସବୁ ଦୁଃଖ ତୁମ ମୋର ଦୁଃଖ ହେଉ 

ହେଉ ସୁଖମୟ ତୁମ ଦିବ୍ୟ ଜୀବନ ।

ଏତିକି କାମନା କରୁଛି ଠାକୁରେ 

ଆଶିଷ ଦିଅ ହେ ନନ୍ଦ ନନ୍ଦନ ।।

ଏହି ଅବସରେ ଜଣାଉଛି ପ୍ରିୟେ 

ତୁମକୁ ମୋହର ଅଭିନନ୍ଦନ ।

ଛାଡିବନି ହାତ ତୁମେ କେବେ ସାଥୀ 

ତୁମେ ହିଁ ତ ମୋର ସ୍ପନ୍ଦନ ।।

ତୁମେ ହିଁ ତ ମୋର ସ୍ପନ୍ଦନ ।।