ଆଗୋ ପଳାଶ
ଆଗୋ ପଳାଶ
ଆଗୋ ପଳାଶ !
ଅପରୂପ ତୁମ ଶରୀରେ ଶୋଭିତ
କମଳା ରଙ୍ଗ ର ବାସ,
ଜନ୍ମ ଲଭି ତୁମେ ପ୍ରକୃତି କୋଳରେ
ଗ୍ରୀଷମେ ଧରା କୁ ଆସ ।
ଆଗୋ ପଳାଶ !
ପଲ୍ଲବିତ କର ଏ ଧରା ଧାମକୁ
ଅଧରେ ଫୁଟାଇ ହାସ,
ଗନ୍ଧ ବାସ କିଛି ନାହିଁ ବୋଲି ନର
କରେ କେତେ ଉପହାସ ।
ଆଗୋ ପଳାଶ !
କୁସୁମ ଜଗତେ ନିନ୍ଦା ଅପବାଦେ
ହୋଇନ ତୁମେ ଉଦାସ,
ପୂଜା ପାର୍ବଣ ରେ ଅଲୋଡ଼ା ହୋଇ ବି
ହୋଇନ କେବେ ହତାଶ ।
ଆଗୋ ପଳାଶ !
ମାଆ ମଙ୍ଗଳାଙ୍କ ଅତି ପ୍ରିୟ ତୁମେ
ନ ଥାଇ ବି ତୁମ ବାସ,
ମଙ୍ଗଳବାରରେ ଦରଶନ ଦେଇ
ସଭିଙ୍କ ହୃଦୟେ ଆସ ।
ଆଗୋ ପଳାଶ !
ବାସହୀନ ହୋଇ ମାନସ ମୋହୁଛ
ଲଭିଛ ଭାବ ବିଶ୍ୱାସ,
ତୁମ ଅନାଦରେ ତୁମ ହତାଦରେ
ଜଗତ ହୋଇବ ନାଶ ।
ଆଗୋ ପଳାଶ !
ସଂସାରର ତୁମେ ସୁନ୍ଦର ସର୍ଜନା
ତୁମେ ସଦା ଅବିନାଶ,
ରହୁ ଦେବାଶିଷ ରହୁ ଅନୁକମ୍ପା
ପୂର୍ଣ୍ଣ ହେଉ ଅଭିଳାଷ ।