ରଜ ପର୍ବ

ଓଡ଼ିଶା ରାଜ୍ୟର ଗଣ ପରବ ଏ

ପାଳୁ ତିନି ଦିନ ଧରି,

ଏହି ପର୍ବେ ଚାଷ ଆରମ୍ଭ ଯେ ହୁଏ

ବର୍ଷା ପଡ଼ିଥାଏ ଝରି ।

ପ୍ରଥମ ଦିନକୁ ପହିଲି ରଜର

ନାମେ ଲୋକ ପାଳିଥା'ନ୍ତି,

ଲୋକେ ପାଳିଥାନ୍ତି ଦ୍ଵିତୀୟ ଦିନକୁ 

ନାମେ ରଜ ସଙ୍କରାନ୍ତି ।

ତୃତୀୟ ଦିବସ ଭୂମି ଦାହ ରୂପେ

ପାଳିତ ହୁଅଇ ଜାଣ,

ରଜ ପରବର ଅନ୍ତିମ ଦିବସେ 

ହୁଏ ବସୁମତୀ ସ୍ନାନ ।

ପାନ ଖିଆ ପୋଡ଼ ପିଠା ପରମ୍ପରା 

ରଜର ସେ ଆକର୍ଷଣ,

ଝିଅଙ୍କର ପୁଚି ଆଉ ଦୋଳି ଖେଳ

କିଣି ନେଇଥାଏ ମନ ।

ଏହି ଦିନେ ଖାଲି ପାଦେ ଚାଲିବାକୁ

କୁମାରୀଙ୍କୁ ମନା ଥାଏ,

ସୁସଜ୍ଜିତ ରଜ ଦୋଳିରେ ବସି ସେ 

କେତେ ରଜ ଗୀତ ଗାଏ ।