ଲାଇବ୍ରେରୀ
ପ୍ରୋଫାଇଲ୍
ଅଫେରା ଜାଗା ର ଠିକଣା
ଅଫେରା ଜାଗା ର ଠିକଣା
1 min
54
ଯାଉଛି ମୁଁ ତେଜି ଗୋଧୂଳି ଲଗନ
ପଶ୍ଚିମ କବାଟ ଖୋଲି
ବାହୁଡା ବିଜୟ ଏବେ ଗୋ ମୋହର
ସରିଗଲା ବୁଲାବୁଲି
ଆସିଥିଲି ଟିକେ ଦେଖିବାକୁ ଏହି
ମରତ ଅଳକା ବୋଲି
ଯାଉଛି ମୁଁ ତେଜି ଗୋଧୂଳି ଲଗନ
ପଶ୍ଚିମ କବାଟ ଖୋଲି.....।
ଜାଳିଦିଅ ଏବେ ସଞ୍ଜ ସଳିତା
ଚହଟୁ କର୍ପୁର ବାସ
ଦେଇଦିଅ ଧୂପ ଗବାକ୍ଷ୍ୟରେ ନେଇ
ଖେଳୁ ମୁହେଁ ସ୍ନିତ ହସ
ପ୍ରତିଧ୍ୱନି ଆସୁ ସବୁ ପ୍ରାଙ୍ଗଣରୁ
ଏଇଠୁ ମେଲାଣି ନେଲି
ଯାଉଛି ମୁଁ ତେଜି ଗୋଧୂଳି ଲଗନ
ପଶ୍ଚିମ କବାଟ ଖୋଲି........।
ଝଙ୍କୃତ ହେଉ ଗଗନ ପବନ
ନବାକ୍ଷରୀ ସପ୍ତାକ୍ଷରୀ
ଗରଜୁ ମନ୍ତ୍ର ଗମ୍ଭୀର ସୁରେ
ବରଷୁ କରୁଣା ବାରୀ
ଚାଲି ଯାଉ ସବୁ ଦୁରିତ ପାତକ
ଏତିକି ଅଭୟ ଦେଲି
ଯାଉଛି ମୁଁ ତେଜି ଗୋଧୂଳି ଲଗନ
ପଶ୍ଚିମ କବାଟ ଖୋଲି..........।।
