ଶୀତ ଆସିଛି

ଶୀତ ଆସିଛି ଶୂନଶାନ୍ ରାତିରେ 

ପାହାନ୍ତି ପ୍ରହରେ କାକର ବିନ୍ଦୁରେ

ଆସିଛି ଶୀତ କୁନା ବୋଉର

ଫଟା ପଣତରେ.....

ଚମ ଧୁଡୁ ଧୁଡୁ ରୁଗ୍ଣ ଶରୀରରେ...।

ଶୀତ ଆସିଛି ପୁଷ୍ପ ବାଟିକାରେ

ରଙ୍ଗୀନ ଫୁଲର ମଖମଲି ପାଖୁଡ଼ାରେ...

ଆସିଛି ଶୀତ ଚାଷୀ ଭାଇର ଧାନ କ୍ଷେତରେ

ଫୁଲ ଆଉ ବନ୍ଧା କୋବିର

ସବୁଜ ପତ୍ରରେ

ଶୀତ ଆସିଛି ଶିଶୁର କାନ୍ଦରେ..

ପ୍ରଜାପତିର କୋମଳ ଡେଣାରେ ।

ଏ ଶୀତ କନ୍ଦାଇବ.....

ହଜାଇବ,ଭିଜାଇବ...

ତା'ର ଆର୍ଦ୍ର ପଣତରେ...

ଦୁଃଖୀର ସାତ ସିଆଁ ଫଟା କମ୍ବଳରେ

ପୁଣି ତାର ଭୋକିଲା ପେଟର ଅନ୍ତରାଳରେ

ଧନୀ ସାହୁକାରର ରେଜେଇ ଭିତରେ

ଦାମୀ ଦାମୀ ସାଲ, ସ୍ଵେଟରର

ପ୍ରାଚୁର୍ଯ୍ୟ ମଧ୍ୟରେ.....।

ଏମିତି ଶୀତ ଆସୁଥିବ, ଯାଉଥିବ

ପୁଣି ଗାଉଥିବ ଗୀତ...

ପ୍ରେମର ହେଉ ଅବା ଯନ୍ତ୍ରଣାର

ବୀରହ ସଙ୍ଗୀତ.....

ତଥାପି ଏ ଶୀତ ଆସିବ ହିଁ ଆସିବ

ଏଇଟାତ ନିତ୍ୟ ନୈମିତିକ ll