ଶୀଘ୍ର କର ପ୍ରଭୁ ବାହୁଡ଼ା ଯାତରା

କହରେ କାଳିଆ କେତେଦିନ ଆଉ 

             ରହିବୁ ଗୁଣ୍ଡିଚା ଘରେ

 ଭକ୍ତଜନ ଆମ୍ଭେ ଝୁରି ହେଉଅଛୁ

           ଆଖି ପାଣି ଆଖି ମରେ ।

ଲଷ୍ମୀ ମାଆ ଆମ ରାଗେ ଗରଗର 

          ଭାଙ୍ଗି ଦେଲେଟି ତୋ ରଥ 

ତଥାପି କାହିଁକି ନିର୍ଦୟ ହେଉଛୁ 

              ଆହେ ଜଗତର ନାଥ ।

ଆଉ କେତେଦିନ ରହିବୁ କାଳିଆ 

              ବଡ଼ ଦେଉଳକୁ ଛାଡି 

ଲକ୍ଷ୍ମୀ ଠାକୁରାଣୀ ରୋଷ କରିଛନ୍ତି 

              ଶୋଇଛନ୍ତି ମୁହଁ ମାଡି ।

ଲାଗେ ଖାଲି ଖାଲି ତୁମ ଶ୍ରୀମନ୍ଦିର

             ଭକ୍ତ ଡାକେ ଆକୁଳରେ

ଫେରି ଆସ ପ୍ରଭୁ ମାଗୁଣି କରୁଛୁ 

              ଲୁହାଭିଜା ନୟନରେ ।

ତୋ ଚକାଆଖି ରଥରେ ଦେଖିଲେ

                 ସବୁ କଟିଯିବ ପାପ 

ଏ ଶରୀରୁ ପ୍ରାଣ ଛାଡି ଚାଲିଯାଉ

               କରି ତୁମ ନାମ ଜପ ।

ଶୀଘ୍ର କର ପ୍ରଭୁ ବାହୁଡା ଯାତରା

               ଦେଖିବି ବାମନ ବେଶ

ପୁନର୍ଜନ୍ମ ପ୍ରଭୁ ନ ହେବଟି କେବେ

            ମନୁଷ୍ୟ ଜୀବନ ଶେଷ ।