ଶେଷ ଚିଠି

କେଉଁଠି ଛାଡ଼ି ଚାଲିଗଲ ତୁମେ

ଅଜଣା ସେ ଶୂନ୍ୟସ୍ଥାନ ଇଲାକାରେ

କି ଦୋଷେ ସହିବି ମୁଁ ବିରହ ଯନ୍ତ୍ରଣା

ତୁମେ ସେ ଅଭୁଲା ସ୍ମୃତି ର ଧାରେ ଧାରେ.... ।

ପ୍ରତି ସେକେଣ୍ଡରେ ପ୍ରଶ୍ନ ପତ୍ର ଆସେ

ପରୀକ୍ଷା ଦେବାକୁ କଲମ ଡାକେ

କି ଉତ୍ତର ଲେଖି ଛାଡିଦିଏ ତା'କୁ 

ପ୍ରାୟଶ୍ଚିତ ର ପରୀକ୍ଷକ ପାଖେ .... ।

ଆଜି ବି ଖୋଜୁଛି ଭୁଲ୍ ଉତ୍ତର କୁ

କି ବିଚାରି ଲେଖି ଫେଲ୍ ହୋଇଗଲି

ପାସ୍ ହେବା ଯଦି ନ ଥିଲା ମୋର ଭାଗ୍ୟେ

ଆବୋରି ନେବି ମୁହିଁ ସେ ଶୂନ୍ୟତା ଥାଳି.... ।

ଖୁସି ଯଦି ପାଉ ମୋର ବିନା ତୁ ସାଥୀ

ସହି କାଟି ଦେବି ବାକି ସ୍ୱଳ୍ପ ସମୟ

ଭୁଲିଯିବା ର ଅନୁରୋଧ ରହିଲା 

କଟି ଥିବା ତୁମ ପାଖେ କିଛି ସମୟ.... ।

କେମିତି ବଞ୍ଚିବି ତୁମ ବିନା ହେ ପ୍ରିୟ

କୌଶଳ ଶିଖିବି କେବେ କାହା ପାଖେ

କେଉଁଠି କାଟିବି ମୋର ବାକି ଆୟୁଷ କୁ

ବରଂ ଲେଖିଦିଏ ସେ ଶେଷ ଚିଠି କୁ

ପଠେଇ ଦେବି ମୋର ସେ ଶେଷ ଚିଠି କୁ..... ।