ଲାଇବ୍ରେରୀ
ପ୍ରୋଫାଇଲ୍
ସେଥିପାଇଁ କି!
ସେଥିପାଇଁ କି!
1 min
176
ଟିକେ ମିଛ ତୁମେ ହସି କୁହ ଯେବେ
ଏତେ ଭଲଲାଗ କାହିଁକି!
ପ୍ରୀତି ଲୁଚିଥାଏ ତା' ଭିତରେ ବୋଲି
ସେଥିପାଇଁ ଭଲ ପାଏକି?
ଛଳ ଛଳ ଯେବେ ତୁମ ଆଖି କୋଣ
ମୋ ନୟନେ ଅଶ୍ରୁ କାହିଁକି!
ଭାଙ୍ଗି ଯାଏ କିଆଁ ମୋ ବୁକୁ ଅଧିରେ
ସେଥିପାଇଁ ଭଲ ପାଏକି?
ତୁମ ଓଠ ହସେ ସରଗର ଶଶୀ
ମୋତେ ଆଖି ଠାରେ କାହିଁକି
ଖିଆଲି ମନ ମୋ ତୁମକୁ ହିଁ ଚାହେଁ
ସେଥିପାଇଁ ଭଲ ପାଏକି?
କହିବା ଆଗରୁ ମୋ ମନ ଭାବନା
ତୁମେ ପଢିନିଅ କାହିଁକି
ମୋ ମନେ ତୁମର ମନ ଛନ୍ଦି ରଖ
ସେଥିପାଇଁ ଭଲ ପାଏକି?
ହସରେ ଲୁହରେ ଫୁଲରେ କଣ୍ଟାରେ
ତୁମ କାନ୍ଧ ଲୋଡ଼ା କାହିଁକି
ମନେ ପଡ଼ ସଦା ପ୍ରୀତି ଫଗୁଣରେ
ସେଥିପାଇଁ ଭଲ ପାଏକି !
