Library
Profile
ସପନ
ସପନ
କେବେ ସ୍ୱପ୍ନ ଦେଖି ନ ଥିବା ମଣିଷଟିର
କଣ ହେଲା କେଜାଣି ହଠାତ ସ୍ବପ୍ନଟିଏ ଦେଖିଲା
ତା' ସ୍ୱପ୍ନରେ ନୋଟ ଖାତା ସହ କଲମଟିଏ ଥିଲା
ଭାବିଲା ଯାହା ସବୁ କେବେ ପ୍ରକାଶ କରି ପାରିନି
ଆଜି ସବୁକିଛି ଲେଖି ପକେଇବ
ପ୍ରଥମେ ଲେଖିଲା , "ଚାଟଶାଳୀ ମାଷ୍ଟ୍ରଙ୍କର
ବେତଟି ଆଜି ନିଶ୍ଚୟ ଭାଙ୍ଗିବି"
ଦ୍ଵିତୀୟରେ ଲେଖିଲା," ସପ୍ତମ ଶ୍ରେଣୀର ସହପାଠିନୀ
ନୀଳିମାର ରସଗୋଲା ପରି ଗାଲକୁ ଧୀରେ ଟିକେ ଛୁଇଁଦେବି"'..
ତୃତୀୟରେ ଲେଖିଲା," ଚାକିରୀ ପାଇଁ ସଂରକ୍ଷଣ ସିଷ୍ଟମକୁ ଉଠେଇଦେବି"...
<
/p>
ଚତୁର୍ଥରେ ଲେଖିଲା, " ପ୍ରେମିକାର ବିଭା ବେଦୀରୁ ତା' ସ୍ୱାମୀକୁ ଟାଣି ଫୋପାଡ଼ି ଦେଇ ନିଜେ ବର ହୋଇ ବସିଯିବି"..
ପଞ୍ଚମରେ ଲେଖିଲା," ପତ୍ନୀ ଓ ପିଲାମାନଙ୍କ ପାଇଁ ଘର ଗାଡି ସବୁ କରିଦେବି"...
ଷଷ୍ଠରେ ଲେଖିଲା," ପିତାମତାଙ୍କର ଜୀବିତ ଅବସ୍ଥାରେ ହିଁ ସେମାନଙ୍କର ଯତ୍ନ ନେବି"..
ସପ୍ତମରେ ଲେଖିଲା, ଭ୍ରଷ୍ଟାଚାରୀଙ୍କ ଗୁଳିକୁ ଖାତିର ନ କରି ଅନ୍ୟାୟ ବିରୁଦ୍ଧରେ ଖୁବ ଲେଖିବି, ଖୁବ ଲଢ଼ିବି "...
ସବୁକିଛି ଲେଖି ସାରିବା ପରେ ନିଦ ଭାଙ୍ଗିଗଲା। ପେନ ଓ କଲମ, ସ୍ୱପ୍ନ ସହ ଉଭେଇ ଯାଇଥିଲେ।
