ସେଇ ଝିଅଟା

ଚୁଲ୍ ବୁଲ୍ ଝିଅଟିଏ

ଗୁଲ୍ ଗୁଲ୍ କଥା କୁହେ

ଖିଲି ଖିଲି ଜହ୍ନଟିଏ

କୁଳୁକୁଳୁ ଗୀତ ଗାଇ

ମୋ ପାଖ ଦେଇ

ନିତି ବହୁଥାଇ

ଆରେ ହଁ

ସେଇ ଝିଅଟା

ମୋତେ ଭାରି ଭଲ ଲାଗେ ।

ଚାଲି ତାର ଧୀର ସ୍ଥିର

କଥା କି କୋକିଳ ସ୍ୱର

ଚାହାଣୀରେ ଭରା ସତେ

ଆକାଶର ତାରା ଫୁଲ

ଚୁନା ଚୁନା ହସ ତାର

ସବୁରି ମନ ଯେ ମୋହେ

ସେଇ ଝିଅଟା ମୋତେ ଭାରି ଭଲ ଲାଗେ ।

ଫଗୁଣର ଫଗୁ ରଙ୍ଗ

ବସନ୍ତର ନୂଆ ରାଗ

ଏଇ ଏଇ ତା ଦେହରେ

ନେସି ଦେଇ ଯାଇଛିରେ

ବୁଝି କିଛି ପାରେ ନାହିଁ

ତାକୁ ଦିନେ ନ ଦେଖିଲେ

କିଛି ଭଲ ଲାଗେ ନାହିଁ

ଆରେ ରେ ମୋତେ

ପ୍ରେମ ହୋଇଗଲା କି

ସେଇ ଝିଅଟା ମୋତେ ଯାଦୁ କରି ଦେଲା କି ।

ମୁଁ ଆଉ ମୋର ହୋଇ ରହିନାହିଁ

ଗୁଣୁ ଗୁଣୁ ଗୀତ ଗାଇ

ସଫା ଟଫା ହୋଇ

ପରଫ୍ୟୁମ ପକାଇ

ମୁଣ୍ଡ ସାଉଁଳେଇ

ତା ଘର ଆଗେ ଚକ୍କର ଖାଉଛି

ବୋଧେ ମୋତେ ପ୍ରେମ ହୋଇ ଯାଇଛି

ସେଇ ଝିଅଟା

ପାଗଳ ମୋତେ କରିଛି ।