ସେ ମୋ ପ୍ରଥମ ପ୍ରେମ

ପ୍ରଥମେ ତା ସହ

ପରିଚୟ

ପରିଚୟରୁ ସମ୍ପର୍କ

ଏବଂ ତାପରେ

ଅତି ଘନିଷ୍ଠତା ବଢି

ଶେଷରେ

ତାକୁ ମୋର ପ୍ରେମ ହୋଇଗଲା।

ସେ ମୋ ପ୍ରଥମ ପ୍ରେମ ' ବହି'

ତା ସହ ଭାଵ ମୋର

ତିନି ବର୍ଷରୁ

ଅ ରେ ଆତ ଏ ରେ ଆପଲ୍

ଆ ରେ ଆଈ ବି ରେ ବଲ୍  

ଛବି ସହ ଅକ୍ଷର ଶବ୍ଦ ଶିଖିବା ଦିନରୁ

ତା ପ୍ରେମରେ ମୁଁ।

ତା ରୂପ,ରଙ୍ଗ,ବାସ୍ନା ମୋତେ ପାଗଳ 

କରିଛନ୍ତି ସେଦିନୁ ଏ ଯାଏ

ମୋତେ ମେଧାବୀ ଛାତ୍ରୀ

ପାଠୋଇ ଝିଅ

ଭଲ ମନ୍ଦ ବିଚାରଶକ୍ତି

ସ୍ୱାବଲମ୍ବୀ

କରିଛି ମୋ ପ୍ରେମ।

ଜଣେ ଶିକ୍ଷିକା

ଗାଳ୍ପିକା

କବିର ମାନ୍ୟତା ଦେଇଛି ସେ

ମୁଁ ତାକୁ  ଭଲ ପାଏ ଏତେ

ଆକାଶର ତାରା,ସମୁଦ୍ରରେ ପାଣି

ଆଉ ମରୁଭୂମିରେ ବାଲି ଯେତେ।