ନମସ୍ତେ ମା' ମହାଲକ୍ଷ୍ମୀ

     

ନମସ୍ତେ ମା' ମହାଲକ୍ଷ୍ମୀ ନମସ୍ତେ ସିନ୍ଧୁଜା l

ସୁରନର ବନ୍ଦ୍ୟା ମାତ ତିନିପୁରେ ପୂଜ୍ୟା ll

ନମସ୍ତେ ନମସ୍ତେ ମାତା ବିଷ୍ଣୁ ମନୋରମା l

ଶଦ୍ଦେ କେ ବର୍ଣିପାରିବ ତୋହର ମହିମା ll

ସାଗର ମନ୍ଥନେ ହେଲା ଉତ୍ପତ୍ତି ତୋହର l

କ୍ଷୀରୋଦଶୟନେ ମାତ ବିଷ୍ଣୁ ଗଳାହାର ll

ସଂସାରର ଅନ୍ନ ଦାତ୍ରୀ, ମାଆ ଜଗଦ୍ଧାତ୍ରୀ l

ଧନ ଧାନ୍ୟେ ପୂର୍ଣ୍ଣକରୁ ଏ ସାରା ଧରିତ୍ରୀ ll

ଛପନକୋଟି ଜୀବଙ୍କୁ ପଡ଼ି ତୁ ଯୋଗାଉ l

ବିକୁଣ୍ଠ ଚିତ୍ତରେ ମାଆ ବୈକୁଣ୍ଠରେ ରହୁ ll

ପ୍ରସାଦରେ ମାତ ତୋର ରଙ୍କ ରାଜାହୁଏ l

ଲକ୍ଷ୍ମୀଛଡ଼ା ଜନେ ଅନ୍ନବସ୍ତ୍ର ନଯୋଗାଏ ll

ଲକ୍ଷ୍ମୀଛଡ଼ାହୋଇ ପରା ସ୍ଵୟଂ ଜଗନ୍ନାଥ l

ହିନିମାନହେଲେ ତାଙ୍କୁ ନମିଳିଲା ଭାତ ll

ଶ୍ରୀକ୍ଷେତ୍ରର ଅଧିଶ୍ଵରୀ, ଶ୍ରୀକ୍ଷେତ୍ରର ଶିରି l

ଛପନପଉଟି ରାନ୍ଧୁ ସ୍ୱୟଂ ଭୋକ୍ତା ହରି ll

ଶ୍ଵେତ ପଦ୍ମାସନୀ ମାତ ନମସ୍ତେ କମଳା l

କମଳବାସିନୀ ଅସୁମାରି ତୋର ଲୀଳା ll 

ନମସ୍ତେ ନମସ୍ତେ ମାତ ନମଃ ହରିପ୍ରିୟା l

ଚରଣେ ଶରଣ ତୋର ରଖି ଥିବୁ ଦୟା ll