ଜୟ ମାଆ କୁଆଁସ ମଙ୍ଗଳା
ଜୟ ମାଆ କୁଆଁସ ମଙ୍ଗଳା
ଜୟ ମା' ମଙ୍ଗଳମୟୀ କୁଆଁସ ମଙ୍ଗଳା l
ପୂର୍ବଯାଜପୁରେ ମାତ ବିସ୍ତାରିଛୁ ଲୀଳା ll
କରୁଣାମୟୀ ଜନନୀ ମାଆ ନାରାୟଣୀ l
ପାରୁଶେ ବିରାଜେ ମନସ୍କାମ ପୁଷ୍କରିଣୀ ll
ଏମନ୍ତେ ରହିଛି କଥା ତୋର ଆବିର୍ଭାବ l
ସାଧବ ଦୁଲଣୀ ସଙ୍ଗେ ଭିଆଇଲୁ ଭାବ ll
ଅଗ୍ନାଗ୍ନୀ ବନସ୍ତ ମଧ୍ୟେ ଖେଳି ବୁଲୁ ଥିଲୁ l
ସାଧବ ଜାଣନ୍ତେ ମାତ ପଥର ହୋଇଲୁ ll
ଗଢ଼ିଦେଲେ ମାତ ଏକ ସୁନ୍ଦର ଦେଉଳ l
ଦେଉଳେ ରହିଲୁ ମାତ ବିତିଯାଏ କାଳ ll
ନାହିଁ ସେହିବନ ପୁଣି ନାହିଁ ସେ ବନାନୀ l
ଉଚ୍ଚ କୁଦ ପରେ ବିଜେ ଜଗତ ଜନନୀ ll
ଅଶ୍ଵଟାପୁ ଶବ୍ଦ ଶୁଭେ ଆଜ ରାତ୍ରକାଳେ l
ଯୋଗ୍ନିଗଣ ଘେନିଯାଉ ବିରଜାମଣ୍ଡଳେ ll
କୁଆଁସ ଗ୍ରାମରେ ବାସ ମା ମଙ୍ଗଳଚଣ୍ଡୀ l
ମାଆଙ୍କ ସ୍ମରଣେ ସର୍ବପାପ ଯାଏ ଖଣ୍ଡି ll
ସୁନ୍ଦର ଆନନୀ ମାତେ ନୟନେ କଜଳ l
ଭକ୍ତି ଭରେ ଅର୍ପିଲି ମା' ମନ୍ଦାରର ମାଳ ll
ବିପଦ ହାରିଣୀ ମାତେ ସଂକଟ ତାରିଣୀ l
ନମସ୍ତୁତେ ନମସ୍ତୁତେ ନମଃ ନାରାୟଣୀ ll