~ବିଚିତ୍ର ନାରୀ~
~ବିଚିତ୍ର ନାରୀ~
ସୃଷ୍ଟିର ବୈଚିତ୍ର୍ୟ
ନାହିଁ ଅଦ୍ୱିତୀୟ ।
କରେ ଆରଧନା
ଶକ୍ତି ତା ସାଧନା ।
ତ୍ରିସନ୍ଧ୍ୟା ତା ଜପ
ଦେଖିଛୁ ପ୍ରକୋପ ।
ପ୍ରକୀର୍ଣ୍ଣ କିରଣ
କରିଥାଏ ରଣ ।
ତ୍ରିପୁରେ ପ୍ରଖ୍ୟାତି
ଦେଖିଛୁ ପ୍ରଗତି ।
କେତେ ତାର ବର୍ଣ୍ଣ
ସୃଷ୍ଟିରେ ଅଭିନ୍ନ ।
ରୂପ ତାର ନାରୀ
କରିଥାଏ ପାରି ।
ଭିନ୍ନ ଅବତାରେ
ସଂସାର ଉଦ୍ଧାରେ ।
ମମତା ବାତ୍ସଲ୍ୟ
ମାତୃତ୍ୱ ଅମୂଲ୍ୟ ।
ଗୃହରେ ସେ ମଣି
ସେପାଇଁ ଗୃହିଣୀ ।
ଦୁଇ କୂଳ ହିତା
ସେ ପାଇଁ ଦୁହିତା ।
ହୋଇଥାଏ ଜାୟା
ବିସ୍ତାରିଛି କାୟା ।
ଖାଏ ଅତ୍ୟାଚାର
ହୁଏ ଅବିଚାର ।
ଧନ୍ୟ ତାର ରଣ
ନ ଯାଏ ଶରଣ ।
ଧନ୍ୟ ଧନ୍ୟ ତାର
ମହିମା ଅପାର ।
ସଂସାରେ ସେ ମାନ୍ୟ
ହେବନି ନଗଣ୍ୟ ।
କେ ଆଙ୍କେ ତା ଚିତ୍ର
ନାରୀ ତ ବିଚିତ୍ର ।