ଶ୍ରୀ ମହା ପ୍ରସାଦ

ତୁମ ମହା ପ୍ରସାଦ ଦିଅ ମହା ପ୍ରଭୁ

        ହାତ ପାତି ବସି ଥିବି

ଯୋଗୀ ରୁଷି ନୁହେଁ ତୁମ ଭକ୍ତ ହୋଇ

        ତୁମ ପାଦେ ପଡି ଥିବି ।

ଧନ ମାଗୁ ନାହିଁ କି ହେବ ମୋହର

ତୁମେ ମୋର ଧନ ଏଇ ଜୀବନର

ମାଗୁ ନାହିଁ କେବେ ସୁନାର ନଅର

ଭଙ୍ଗା କୁଡ଼ିଆ ହେଉ ମୋର ମନ୍ଦିର ।

ତୁମ ଛଡା ତୁଳସୀ ଦିଅ ମହା ପ୍ରଭୁ

          ପାପ ତାପ ଭୁଲି ଯିବି ।

ମିଛ ଦୁନିଆ ରେ ତୁମେ ହିଁତ ସତ

ବିଷ ଲାଗେ ମୋତେ ଏ ସାରା ଜଗତ

ହରି ନାମ ଏକା କଳି ଯୁଗେ ସମ୍ପଦ

ମୟାରେ ପଡି ଜୀବ ହୁଏ ତ ମୋହିତ ।

ତୁମ ନିର୍ମାଲ୍ୟକୁ ଦିଅ ମହା ପ୍ରଭୁ

          ତୁଣ୍ଡେ ପାଇ ତରି ଯିବି ।