ମୋ ସରଗ ପୁର‌

ଘର ବଖରାଟେ ଅଛି ମୋ ପାଖରେ

ଆଖିରେ ଆଖିଏ ସପନ

ପୁରା ହେବାପାଇଁ ଅନେକ ଆଶା ମୋ

ମନରେ ରଖିଛି ଗୋପନ ।

ଚାଳ ଛପରକୁ ପ୍ରେମରେ ବାନ୍ଧିଛି

ପାଇଗଲି ବୋଲି ମାଗଣା 

ଜୀବନର ଅର୍ଥ ଖୋଜିବାର ଖାଲି

ଘଡ଼ିକୁ ଵଦଳେ ଦୁନିଆ ।

କେବେ କହିବନି କାହାରି ଆଗରେ 

କିସ ଖୋଜୁଥିଲି ଜୀବନେ 

କି ଅବା ପାଇଲି ହିସାବ କରିବି

ନିରୋଳାରେ ବସି ଗୋପନେ ।

ନିଆଁ ଜାଳି ମୁଁ ଶୀତ କଟେଇବି

ଅଣ୍ଟୁନାହିଁ ମୋର ପଣତ 

ଦି ମୁଠା ଖାଇ ମୁଁ ନିଦରେ ଶୋଇବି

ଶୁଖି ଗଲେ ଯାଉ ରକତ ।

କାକରରେ ଥିରି ଯାଏ ଦେହ ମୋର

ଓଠ ଥରେ କଟ କଟ 

ପଶମ ପୋଷାକ କୋଉଠୁ ଆଣିବି

ଖୋଲା ଅଛି ମୋର ପକେଟ ।

ବର୍ଷା ଦିନେ ପାଣି ଟପ୍ ଟାପ ଝରେ

ଖରାରେ ଜଳେ ମୋ ଦେହ 

ଏଇ ଚାଳ ଘର ମୋ ସରଗ ପୁର‌

ନିନ୍ଦା କାହାକୁ କହିବି କୁହ ।