ଭିଜାଭିଜା ବର୍ଷା ଦିନ
ଭିଜାଭିଜା ବର୍ଷା ଦିନ
ଭିଜାଭିଜା ବର୍ଷା ଦିନ
ଏ ଧରାକୁ ଆସିଲା ।
ଗ୍ରୀଷମର ତାପ ନାହିଁ
କୁଆଡେ ସେ ହଜିଲା ।
ବରଷା ପାଣି ଦେହରେ
ପଡି ଭଲ ଲାଗିଲା ।
ନୂଆ ନୂଆ ଏ ବରଷା
ଆହ୍ଲାଦ ଭରି ଦେଲା।
ଭିଜିବାକୁ ବରଷାରେ
ପିଲେ ଭଲ ପାଇଲେ ।
କାଗଜଡଙ୍ଗା ଭସାଇ
କେତେ ଖୁସି ହୋଇଲେ ।
ଆଷାଢ ଶ୍ରାବଣ ମାସ
ବରଷା ଦିନ ପରା ।
ପାଣି ପଡିଲେ ମାଟିରେ
ମହକଇ ଏ ଧରା ।
ଆସି ବରଷା ବୁଡିଲା
ରସା ମହକେ ମାଟି ।
ଚଷାଭାଇ ସଜ ହେଲା
ଚାଷ କରି ଯିବଟି ।
ଅନୁକୂଳ କଲା ମୁଠି
ଅକ୍ଷିତୃତୀୟା ଦିନ ।
ଗଛ ହୋଇଛି ବିଲରେ
ଦେଖି ଫୁଲଇ ମନ ।
ଭିଜାଭିଜା ବରଷାରେ
କରିବ ବେଉଷଣ ।
ତରତରରେ କରିବ
ଚାଷ ହୁଏ ଉଚ୍ଛନ୍ନ ।
ଚାହିଁଥିଲା ଚାତକଟି
ବରଷାର ଜଳକୁ ।
ମନ ଭରି ପାନକଲା
ବରଷାର ଧାରାକୁ ।
ଭିଜାଭିଜା ବର୍ଷାଦିନେ
ବୃକ୍ଷ ଲତା ହସିଲେ।
ଗ୍ରୀଷ୍ମତାପୁଁ ରକ୍ଷା ପାଇ
ଜୀବନ କି ପାଇଲେ ।
କଳାମେଘୀ ଶାଢୀ ପିନ୍ଧି
ବର୍ଷା ରାଣୀ ଆସିଛି ।
ବିଜୁଳିର ଚମକରେ
ଝଲସି ସେ ଉଠୁଚି ।
ଘଡଘଡି ବାଜା ଶୁଭେ
ଧଡକାଏ ଛାତିକି ।
ବେଙ୍ଗ ଦିଏ ହୁଳହୁଳି
ବେଳକାଳ ଦେଖିକି ।
ଭିଜାଭିଜା ବରଷାରେ
ଆମେ କିଆଁ ଭିଜିବା ?
ଥଣ୍ଡା ଜରକୁ କିପାଇଁ
ନିମନ୍ତ୍ରଣ କରିବା ?
ଭିଜାଭିଜା ବର୍ଷାଦିନ
ଭଲ କ୍ଷେତ ପାଇଁକି ।
ଫୁଲ ଫଳ ଶସ୍ଯ ସବୁ
ଦିଏ ଆମ ପାଇଁକି ।
ଜୀବଜନ୍ତୁ ପଶୁପକ୍ଷୀଙ୍କ
କାଳ ବର୍ଷାଦିନ ।
ସମଦରଶୀ ଦେଖନ୍ତି
ଖରା ବର୍ଷା ସମାନ ।