ସେହି ଜଣେ ମୋର ସଖା
ସେହି ଜଣେ ମୋର ସଖା
ଦିଅ ଦିଅ ବୋଲି ସଭିଏଁ କହନ୍ତି- ନିଅ ନିଅ କହେ ଜଣେ,
କୁହ କୁହ ବୋଲି ସଭିଏଁ କହନ୍ତି- ଶୁଣ କହେ ସେହି ଜଣେ ।
ରୁହ ରୁହ ବୋଲି ସଭିଏଁ କହନ୍ତି-ଚାଲ ବୋଲି କହେ ଜଣେ,
ଖାଅ ଖାଅ ବୋଲି ସଭିଏଁ କହନ୍ତି- ଖାଆନ୍ତି ନାହିଁ ସେ ଜଣେ ।
କାନ୍ଦ କାନ୍ଦ ବୋଲି ସଭିଏଁ ଚାହାନ୍ତି-ହସାନ୍ତି ଆମକୁ ଜଣେ,
ମର ମର ବୋଲି ଅନେକ ଚାହାନ୍ତି-ବଞ୍ଚାଇ ରଖନ୍ତି ଜଣେ ।
ରଖ ରଖ ବୋଲି ସଭିଏଁ କହନ୍ତି-ନେଇଯାଅ କହେ ଜଣେ,
ଗପ ଗପ ବୋଲି ସଭିଏଁ କହନ୍ତି-ଜପ କହେ ସେହି ଜଣେ ।
ମୋର ମୋର ବୋଲି ସଭିଏଁ କହନ୍ତି-ତୋର ବୋଲି କହେ ଜଣେ,
ନାହିଁ ନାହିଁ ବୋଲି ସଭିଏଁ କାହନ୍ତି-ଅଛି କହେ ସେହି ଜଣେ ।
ଖୋଜ ଖୋଜ ବୋଲି ସଭିଏଁ କହନ୍ତି-ଖୋଜିଦିଏ ସେହି ଜଣେ,
ଦେଖ ଦେଖ ବୋଲି ସଭିଏଁ କହନ୍ତି-ଦିଶନ୍ତି ନାହିଁ ସେ ଜଣେ ।