ସେଦିନ ରାତି

ଭିଜୁଥିଲୁ ଆମେ ଦୁହେଁ

ମନଭରି ସେ ବର୍ଷାରେ

ପ୍ରେମଭରା ଥିଲା

ସେଦିନ ରାତି,,

ଦେହ ବି ଭିଜୁଥିଲା

ମନ ବି ଭିଜୁଥିଲା

ଥିଲୁ ଆମେ ଦୁହେଁ

ଭାରି ପାଖାପାଖି ।।

ଭରୁଥିଲା ଶିହରଣ

ଛୁଆଁରେ ତାଙ୍କର

ଖୋଜୁଥିଲା ମନ 

ଆହୁରି ପାଖରେ,,

ଖୋଜୁଥିଲି ଖାଲି ଟିକେ

ବାନ୍ଧି ହେବା ପାଇଁ

ନିବିଡ ଭାବରେ

ତାଙ୍କ ବାହୁ ବନ୍ଧନରେ ।।

ଇଛା ହଉଥିଲା ଖାଲି

ନ ସରନ୍ତା ରାତି

ରୁହନ୍ତି ମୁଁ ପାଶେ ତାଙ୍କ

ମନ ଭରି ମୋର,,

ଡର ଲାଗୁଥିଲା ମୋତେ

ଥାଇ ଏତେ ପାଶେ

କରିବାକୁ ମୋ ଠୁଁ ତାଙ୍କୁ

ମୁହୂର୍ତ୍ତେ ବି ଦୂର ।।