ସୈ।ଜନ୍ୟତା ରକ୍ଷା କର

ଧିରେଧିରେ ଜାଳି ନିଜକୁ ଅନ୍ତରେ

ଜାଳି ଦିଏ ନିଆଁ ଧୂଆଁ

ଲିଭେ ନାହିଁ କେବେ କୁଅଭ୍ୟାସ ନିଶା

ଲାଗେ ସବୁ ପାଣିଚିଆ ।

ବିଡ଼ି ସିଗାରେଟ ପାଉଁଶ ଝୁଲରେ

ଜଳିଯାଏ ସୁଖ ସ୍ୱପ୍ନ

ସୁନ୍ଦର ମଧୁର ଜୀବନେ ପରାଗ

ଲାଗେ ଅକାଳ ଗ୍ରହଣ ।

ଗ୍ରାସେ ରାହୁ କେତୁ ଛାୟାର କାଳିମା

ଧନହାନୀ ପ୍ରାଣ ପୀଡ଼ା

ନିଜର ଯେତିକି ନ କରଇ କ୍ଷତି

ସଂସର୍ଗ ସଭିଙ୍କୁ ବ୍ୟଥା ।

ଡ଼ାକି ଆଣେ ରୋଗ ଦେହ କରେ କ୍ଷୀର୍ଣ

ପ୍ରାଣ ଘାତି ପରିଣାମ

ଭୋଗେ ପରିବାର ଅତି ଆପଣାର

ପତ୍ନୀ ଆତ୍ମୀୟ ସ୍ୱଜନ ।

ଧୂମପାନ ଅଟେ ବଡ଼ ବଦଭ୍ୟାସ

କରେ ମନ ହାଇଁ ପାଇଁ

ସ୍ଥାନ କାଳ ପାତ୍ର ନ ଦେଖେ ମଣିଷ

ଚିରୁଟ ପକାଏ ଟାଣି ।

ରହିଛି ଅନେକ ଜ୍ୱଳନ୍ତ ଦୃଷ୍ଟାନ୍ତ

ଏହି କାରଣୁ କେବଳ

ଚଳନ୍ତା ଗାଡ଼ିରେ ଲାଗିଅଛି ନିଆଁ

ଜଳି ଅଛି ବଗି ରେଳ ।

ଆତ୍ମଘାତି ଏହି ମନ୍ଦ ଅଭ୍ୟାସକୁ

ଅବିଳମ୍ବେ ପରିହର

ବଞ୍ଚାଅ ନିଜକୁ ନିଜ ପରିବାର

ସୈ।ଜନ୍ୟତା ରକ୍ଷା କର ।

  ------