ଲାଇବ୍ରେରୀ
ପ୍ରୋଫାଇଲ୍
ସାରା ଜଗତେ ଶ୍ରେଷ୍ଠ
ସାରା ଜଗତେ ଶ୍ରେଷ୍ଠ
1 min
219
ରାଇଜ ଆମ ଓଡିଶା ପରା
ଓଡିଆ ଆମ ଭାଷା
ମହୁ ଠାରୁ ବି ଆହୁରି ମିଠା
ଏଇ ମୋ ମାତୃଭାଷା
କହିଲି ଯେବେ ପହିଲେ କଥା
ମାଆ ଡାକିଲି ଆଗ
ମାଆ ପରି ତ ମାତୃଭାଷା
ସାରା ଜଗତେ ଶ୍ରେଷ୍ଠ
ମାତୃଭାଷା ଯାହାର ସମୃଦ୍ଧ
ସମୃଦ୍ଧ ସେଇ ରାଜ୍ୟ
ସମୃଦ୍ଧ ଆମ କଳା,ସାହିତ୍ୟ
ଦେଶ ବିଦେଶେ ଖ୍ଯାତ
ବିଭିନ୍ନ ଭାଷା ଶିଖିବା ଆମେ
ବଢିବ ଆମ ଜ୍ଞାନ
କେବେ ବି ଆମେ ଭାବିବା ନାହିଁ
ମାତୃଭାଷା କୁ ହୀନ
ଆମରି ଭାଷା ଆମ ସାହିତ୍ୟ
ଆମରି ସ୍ବାଭିମାନ
ସ୍ବାଭିମାନକୁ ଭୁଲିବା ଯଦି
ମିଳିବ କି ସମ୍ମାନ
କହି ଓଡିଆ ପଢି ଓଡିଆ
ନିଇତି ଓଡିଆ ଲେଖ
ତାହେଲେ ସିନା ମାତୃଭାଷା ର
ରହିବ ପିଲେ ଟେକ
