ସ୍ୱତନ୍ତ୍ର ମୋ ପ୍ରେମ !
ସ୍ୱତନ୍ତ୍ର ମୋ ପ୍ରେମ !
ଜାଣିନି କେଜାଣି କେମିତି କିପରି
ମୋ ହୃଦୟେ ନେଲୁ ସ୍ଥାନ l
ପ୍ରେମର ଅତର ସିଞ୍ଚି ଦେଇଗଲୁ
ଖୋଜେ ତୋତେ ମୋର ମନ l
ନିବେଦନ କେବେ କରିନାହିଁ ତୋତେ
କରିନାହିଁ ଜିଦି ଜୋର l
ଛଳନା କରିନି ମିଛ ମୁଁ କହିନି
ଜିତିବାକୁ ମନ ତୋର l
ଛାଡି ମୁଁ ଦେଇଛି ମୁକ୍ତ ଆକାଶରେ
ଉଡ଼ି ବୁଲିବାକୁ ତୋତେ l
ଉଡି ଉଡି ଯଦି ଫେରି ଆସୁ ତୁହି
ପାଉଛୁ ଭଲ ତୁ ମୋତେ l
ପ୍ରେମ ନୁହେଁ ମୋର ଛଳନା ପଞ୍ଜୁରୀ
ଛଳରେ ରଖିବି ତୋତେ l
ପ୍ରେମ ମୋ ଅଟଇ ଚିରନ୍ତନ ସତ୍ୟ
ବନ୍ଦୀ କରିନି ମୁଁ ତୋତେ l
ଉଡ଼ି ଉଡ଼ି ତୁହି ହଜାରେ ଭିତରେ
ବାଛିବୁ ଯଦି ତୁ ମୋତେ l
ଜାଣିବି ସେଦିନ ମୋ ପ୍ରେମ ଶାଶ୍ୱତ
ଭଲ ତୁ ପାଉଛୁ ମୋତେ l
ଯଦି ତୁ ନ ଆସୁ ଆକାଶ ଭିଡ଼ରେ
ହେଲୁ ତୁ ଦୈହିକ କା'ର l
ପାଉଅଛି ଭଲ ପାଉଥିବି ଭଲ
ବିଦେହ ପ୍ରେମ ତୁ ମୋର।