ସ୍ୱପ୍ନ ସୁନ୍ଦରୀ

ପ୍ରତାପ ନାୟକ

ଚିତା କୁଟା ହାତ

ଆସି ହାତ ଠାରି ଡାକେ

ନିଅ ତୁମ ଚିଟାଉ ମୋ ଠାରୁ

ପରସ୍ତ ପରସ୍ତ ବହଳ ଭାବନା !

ଗହଳ ଗହଳ ଅକ୍ଷର ଚିତାରେ

କାମକୂଟ କେତେ ତୀର୍ଯ୍ୟକ ଠାଣିରେ

ଭରିଦେବ ତୁମ ମନେ ଉନ୍ମାଦନା !

ସେଦିନ ବିତେଇଥିବା

କଇଁଫୁଲିଆ ରାତି

ଅଭିମାନ ଭରା ପ୍ରିତୀଭରା ଛାତି

ଦଲକା ଦଲକା ପବନ ବେଶରେ

ତୁମ ଦେହେ ବାଜି ମତେ ଧକ୍କାମାରେ

ସଜଳରେ ଭରା ଉଜ୍ଜ୍ୱଳଆଖିର ଆଭା

ଇସାରାରେ ଦିଏ ସ୍ୱପ୍ନ ସୁନ୍ଦରୀର

କାମନାରେ ପୂର୍ଣ୍ଣ ଚିବୁକ ମୂଳର ରଂଗ

ଅପୂର୍ବ ତାହାର ଶୋଭା

ବଂଚିବାର ସିନା ରହାଟିଏ ରଖିଥାଏ

ମୂରୁଜ ରଂଗର ରଂଗଣୀ ଫୁଲରେ

ତୁମକୁ ସଜେଇ ଥାଏ ।