ସ୍ୱପ୍ନ ସବାରୀ

ସ୍ୱପ୍ନ ସବାରୀରେ ପରୀ ସାଜି ଆସ

ଆଖି ମୁଦି ଥିବି ମୁହିଁ

ଧୀରେ ମୃଦୁ ସ୍ପର୍ଶେ ପୁଲକିତ କରି

 ସ୍ୱସ୍ଥାନେ ଫେରିଯିବଇଁ

ଝୁରିବିନି ପ୍ରୀୟା ଖୋଜିବିନି ଜମା

ନିଦ୍ରାଶେଷେ ପ୍ରଭାତରେ

ନୀତି ଆସୁଥିବ ନିଶିଥିନି ସାଥେ

ନିଶିଗନ୍ଧା ମହକରେ

ନିଶାଚର ହେଲେ ପୀଶାଚିନୀ ନୁହେଁ

ତୁମେ ମୋ ସ୍ୱପ୍ନ ନାୟିକା

ସୂକ୍ଷ୍ମ ଦେହାତିତ ଭାବନା ଟି ମୋର

ତୁମ ପାଇଁ ଖାଲି ଏକା

ପିଶାଚିନୀ ରକ୍ତ ପିପାସୁ ଅଟଇ

ତୁମକୁ ମୋ ପ୍ରେମ ତୃଷ୍ଣା

ମୋ ଭିତରେ ତୁମ ପ୍ରେମ ପାରିଜାତ

ସଦା ଚିର ଯଉବନା

ସେ ଦିବ୍ୟପୁଷ୍ପର ମହକ ଅପୂର୍ବ

ବାସ୍ନାୟିତ କରେ ମୋତେ

ସେଇ ଅବାସ୍ତବ ଭାବନା ଟି ମୋର

ଜିଇଁବା ବାହାନା ସତେ