ରୂପ ଯୌବନ ଦୁଇ ଦିନିଆ

ଗରବ କରୁଛ ମନରେ କାହିଁକି

ରୂପ ଯୌବନକୁ ନେଇ।

ସବୁଦିନ ତୁମ ରୂପ ଯଉବନ

ଏପରି ରହିବ ନାହିଁ ।

ରୂପ ଯୌବନ ଦୁଇ ଦିନିଆ ସେ

ମନରେ ରଖ ତୁମର ।

କାଲି କଥା କହ ଆଜିକି ଅଛି କି

ଏ ଜୀବନ ତ ନଶ୍ବର ।

ହରେ ସବୁ କାଳ କାଳ ରୂପ ହୋଇ

ଏକଥା ଗଲ କି ଭୂଲି ?

ଧନ ଜନ ଯଉବନ ଏ ସକଳ

ମାୟା ମରୀଚିକା ଖାଲି ।

ଭୂପ ଯଉବନ ଆଜି ଯାହା ଅଛି

କାଲିକି ତା ନରହିବ ।

ବୟସ ବଢିବ ଆୟୁଷ ଛିଡିବ

ବୃଦ୍ଧ ଅବସ୍ଥା ଆସିବ ।

ରୋଗ ବ୍ଯାଧି ହେବ ଯଉବନ ଯିବ

ଜୀର୍ଣ୍ଣ ଶୀର୍ଣ୍ଣ ହେବ ଦିନେ ।

ଗରବ କରୁଛ ସୁରୂପକୁ ଦେଖି

କୁରୁପ ହୋଇବ ଦିନେ ।

ଅଢେଇ ଦିନକୁ ବଡେଇ ନକର

ରୂପ ଯୌବନକୁ ନେଇ।

ସବୁଦିନ ଏହା କେବେ ନରହିବ

ଗରବ ନକର କେହି ।

ପ୍ରଭୁ ପଦେ ପ୍ରୀତି ରଖି ଦିଅ ମତି

ତାହାଙ୍କର ଶ୍ରୀପୟରେ ।

ରଖ ସଦା ମନ ଜପ କର ନାମ

ଧ୍ୟାନ କର ହୃଦୟରେ ।