ଦୁହିତା ସେ ତ ଜଗତଜିତା

     କୋଟି ଜନ୍ମ ର ପୂଣ୍ୟ ଫଳ ଅଟେ ଯେ ସେ,

     ପିତାଙ୍କ ଅଗଣାରେ ମହକୁ ଥିବା ଫୁଲଟିଏ,

     ମାଆ ଓଠର ମିଠା ମିଠା ହସର ଧାର ଟିଏ ,

     ମାଁ,ବାପାଙ୍କ କୋଳରେ ବଢୁଥିବା ପରୀ ଟିଏ।।

     ପିତା,ମାତାଙ୍କ ଉଆସର ରାଜଦୁଲାଳୀ ସେ,

     ଝିଅରୁ ହୁଏ ଜନନୀ,ଭଗିନୀ ଜାୟା ଯେ ସେ,

     ଜୀବନ ତା ସଦା ପରହିତେ,ଉତ୍ସର୍ଗ କରିଥାଏ,

     ଦୁଇ କୁଳକୁ ହିତା, ସର୍ବ°ସହା, ଦୁହିତା ସେ।।

     କେତେ ଜନ୍ମର ପୂଣ୍ୟ ବଳେ କନ୍ୟା ଜନ୍ମ ନିଏ,

     ସ୍ବ ଗୁଣ ବଳେ କୋଟି ଜନ ମନ ମୋହି ଥାଏ,

     ଧୈର୍ଯ୍ୟ, ସହିଷ୍ଣୁତା, ମମତା ର ପ୍ରତିରୂପଅଟେ, 

     ଦୁହିତା ସେ ଯେ, ସବୁଠି ଜଗତଜିତା ଅଟେ ସେ।