ବିଦ୍ୟାଳୟ ଜୀବନ

ମନେପଡ଼ିଯାଏ ପିଲାଦିନର ସେ

ବିଦ୍ୟାଳୟ ଜୀବନ

ଯାହା ସଦା ଅପାଶୋରା ।

କେବେ ଭୁଲି ହୁଏନା ସେଦିନ

ଧାଡି ଧାଡି ଠିଆ ହୋଇ ବିଦ୍ୟାଳୟ

ବାରଣ୍ଡାରେ ପ୍ରାର୍ଥନା କରିବାର ଛବି

କେଡେ ରମଣୀୟ ॥

ଆଜି ବି ପଡୁଛି ମନେ ବିଦ୍ୟାଳୟ

ଖେଳ ପଡିଆର ଫୁଟବଲ୍ ଖେଳ

ଭଲିିବଲ୍ କବାଡି କ୍ରିକେଟ୍

ଏକ୍ସରସାଇଜ୍ ସବୁ

ହିତକାରୀ ଭାରି ଲୋଭନୀୟ ॥

ପାଠ ପଢା କି ସୁନ୍ଦର ଥିଲା

ଶିକ୍ଷକଙ୍କୁ ଥିଲା ଡର ଭୟ

ଟିଉସନ ନଥିଲା ଜରୁରୀ

ଏକ୍ସଟ୍ରା କ୍ଳାସ୍ ଚାଲୁଥାଏ କେବେ ॥

ହସ୍ତାକ୍ଷର ଲେଖା କି ସୁନ୍ଦର

ତର୍କ ଗୀତ ପ୍ରତିଯୋଗିତାର

ଆୟୋଜନ ହେଉଥାଏ କେବେ

ଡ୍ରାମା କଥା କେବେ ଭୁଲି ନୁହେଁ ॥

ଗଣେଶ ଓ ସରସ୍ୱତୀଙ୍କର

ପୂଜା ହୁଏ ଯେବେ ବିଦ୍ୟାଳୟେ

ଶୃଙ୍ଖଳିତ ଛାତ୍ର ଛାତ୍ରୀଗଣ

ଖୁସି ଆମ ନଜାଣଇ କିଏ ?

ସ୍ବାଧୀନତା ଦିବସରେ ତଥା

ଗଣତନ୍ତ୍ର ଦିବସ ଆସିଲେ

ଗାନ୍ଧିଜୟନ୍ତୀରେ ପୁଣି

ଶିକ୍ଷକଙ୍କ ଦିବସ ଦିନରେ

ଲମ୍ବା ଧାଡି ବାନ୍ଧି ଆମେ

ଛାତ୍ର ଛାତ୍ରୀଗଣ 

ପରିକ୍ରମା କରି ଗାଁ ଗଣ୍ଡା

ଦେଉଥିଲୁ ବାର୍ତ୍ତା ଜାଗରଣ ॥

କାହିଁଗଲା ଚାଲି ଆମ

ସେ ସୁଦିନ ସବୁ

ରହିଲା ତା ଅତୀତ ସ୍ମୃତିରେ

ବିଦ୍ୟାଳୟ ଜୀବନ ସୁନ୍ଦର

ଏକଥାଟି କିଏ ଭୁଲି ପାରେ ?