ରତ୍ନାକର ଚଂପୂ (ଘ)
ରତ୍ନାକର ଚଂପୂ (ଘ)
ରାଗ - ରେଗୁପ୍ତ
ଘନକେଶାରେ ଘେନ ଏତେ ଗିର ମୋର ସୁସାରେ (ପଦ)
ଘସ୍ରନାଥକନ୍ୟାକୂଳବସା ରେ,ଘୋଣାଗ୍ରେ କିଶୋର ଶ୍ୱାସ ପ୍ରସାରେ (1)
ଘୋରତର କାମକାତିଭୂଷାରେ, ଘାଣ୍ଟିହେଉଅଛି ଦିବାନିଶାରେ (2)
ଘଟସ୍ତନା ତୁ ଏ କଷ୍ଟଦଶାରେ,ଘନାଶ୍ଳେଷେ ରଖ ଯଶ ସଂସାରେ (3)
ଘାରି ହେଉଅଛି ଏ ଦୁର୍ଦ୍ଦଶାରେ, ଘୋରି ହୋଇ ଯାଉଛି ସେ ରସାରେ (4)
ଘୋଟି କାମତମ ପ୍ରତିଦିଶାରେ, ଘୁମାର ଅଛିଟି ରସାଳସା ରେ (5)
ଘଡିଏ ଶ୍ରୀଯୁଗଳ ପ୍ରଶଂସାରେ, ଘଟାଇଲେ କବି ରବି ଭାଷାରେ(6)