ନୂଆଖାଇ
ନୂଆଖାଇ
ପ୍ରକୃତି ପୁତ୍ର ଶ୍ରୀଗଣେଶଙ୍କୁ ନେଇ
ନଚାଇ ପ୍ରକୃତି ରାଣୀ ।
ଶୀତଳ ସମୀରେ ଚହଲିଲା ମନ
ଶୁଭିଲା ଶଙ୍ଖରଧ୍ୱନି ।।୧।।
ପୂଜା ପରବର ସମ୍ଭାର ସାଥିରେ
ନୂଆଖାଇ ପାଦଦେଲା ।
ତା ସନ୍ତାନ ତୁଣ୍ଡେ ନବାନ୍ନ ଛୁଆଁଇ
ପ୍ରାଣକୁ ଶୀତଳ କଲା ।।୨।।
ବଡଙ୍କୁ ସମ୍ମାନ ସାନଙ୍କୁ ଆଦର
ଶିଖାଇ ମମତା ମୟୀ ।
କୋମଳ ଅଙ୍ଗରେ ବଳ ବୀର୍ଯ୍ୟ ଦେଲା
ସଜାଇ ତା' ଅଙ୍କ ମହୀ ।।୩।।
ଜାଗିବେ ସନ୍ତାନ ଜଗିବେ ତା' ମାନ
ରଖିବେ ପଣତ କୋଳ ।
ରଙ୍ଗବତୀ ଗୀତେ ନାଚିବେ ତା' ପିଲା
କରି ମେଳି ଖେଳି ଖେଳ ।।୪।।
ମା' ମନ ଝୁମେରେ ସନ୍ତାନ ଖୁସିରେ
ପ୍ରଗତିରେ ସାଥେ ସାଥେ ।
ଆଶୀର୍ବାଦ କରେ ମା' ସମଲାଇ
ସଦା ଜାତି ଦେଶ ପାଖେ ।।୫।