Library
Profile
ବାଲିଘର
ବାଲିଘର
ଯାଇଥିଲି ମୁହିଁ ସମୁଦ୍ର ବୁଲି
ବାବା ମାମାଙ୍କର ସାଥେ ।
ଧାଇଁ ଧାଇଁ ଗଲି ପାଣି ପାଖକୁ
ଖେଳିବାକୁ ଢେଉ ସାଥେ ।।
ଦେଖିଲି ସେଠାରେ ପିଲାଟେ ବସି
କରୁଛି ବାଲିର ଘର ।
ତାକୁ ଦେଖି ମତେ ଲାଗିଲା ସତେ ,
କରିବ ବଡ ମହଲ ।।
ଆସିଲା ବିରାଟ ଢେଉଟେ ମାଡି
ସମୁଦ୍ର ଭିତରୁ ଉଠି ।
ଚାଲିଲା ପୁଣି ପାଣି ଭିତରକୁ
ବାଲି ଘର ତାର ଭାଙ୍ଗି ।।
କହିଲି ରାଗିକି ବଡ ପାଟିରେ
ତୁ ଅଟୁ ବଡ ନିଷ୍ଠୁର ।
ଭାଙ୍ଗିଦେଲୁ ତାର ପରିଶ୍ରମକୁ
ଗଢିଲା ବାଲିର ଘର ॥
କହିଲା ପିଲାଟି ପାଖକୁ ଆସି
କରୁ କିଆଁ ତାକ
ୁ ଗାଳି ?
ଭାଙ୍ଗି ଦେଲା ମୋର ବାଲିଘରକୁ
ତା ପାଖେ କରିଲି ବୋଲି ॥
ଚାଲିଗଲା ସେ ଏହା କହି ମତେ
ସତେ ହୁଃଖ ନାହିଁ ତାକୁ ।
ଲାଗିଲା ପୁଣି ଘର ତିଆରିରେ
ଆଗରୁ ଟିକେ ଦୂରକୁ ॥
ଦେଖୁଥିଲି ମୁହିଁ ତାକୁ ମନ ଦେଇ
କେଡେ ଧର୍ଯ୍ୟ ସତେ ତାର ।
କରୁଛି ବିରକ୍ତ ନ ହୋଇ ସିଏ
ଚେଷ୍ଟା କରି ବାରବାର ॥
ଶିଖିଲି ସେଦିନ ମୁଁ ତାହା ଠାରୁ
ହାର ମାନିବିନି କେବେ ।
ଧର୍ଯ୍ୟର ସହ କାମ କରୁଥିଲେ
ସଫଳ ହୋଇବା ସର୍ବେ ॥
