ସପନ ବୁଲା
ସପନ ବୁଲା
କାଲିକି ଯିବି ନନ୍ଦନକାନନ
ଖୁସିରେ ଉଡୁଛି ଆଜିଠୁ ମନ।
ଦେଖିବି ସେଠି ପଶୁପକ୍ଷୀଙ୍କୁ
ଆନନ୍ଦକରିବି ନିଜ ମନକୁ ।।
ଭାବୁଛି କେମିତି ସକାଳହେବ
ଘରଦଣ୍ଡଟାରେ ଗାଡି ଲାଗିବ ।
ସେଥିରେ ଚଞ୍ଚଳ ବସିପଡିବି
ସାଇଡସିଟ୍ ଟି ମାଡି ବସିବି ।
ଏବେ ରାତିବେଳ ନିଦହେଉନି
କଅଣ କରିବି ଭାବିପାରୁନି ।
ଏହି ନିଶାବେଳ କିପରିଯିବ
କେତେବେଳେ ଭାନୁ ଉଠିଆସିବ ?
ଦେଖୁ ଦେଖୁ ଆସି ବେଳପାହିଲା
କିଚିରି ମିଚିରି ରାଵଶୁଭିଲା ।
ଉଠି ମୁଁ ସଅଳ କାମସାରିଲି
ସଭିଙ୍କସାଥିରେ ବସି ପଡିଲି ।
ମଜାରେ ମଜାରେ ଗାଡି ଚାଲିଲା
ଅଳପବାଟରେ ପଂଚରହେଲା ।
ମାମା ବୁଝାଇଲେ ଆଉ ନ ଯିବା
ଘରେ ବସି ଆମେ କାମକରିବା ।
ସବୁ ଆଶା ମୋର ମଉଳିଗଲା
ଆଖି ସପନ ଆଖିରେ ରହିଲା ।
ବ୍ୟାଗଟିକୁ ମୁଁ ଫୋପାଡ଼ିଦେଲି
ମୁହଁଟିକୁ ପୁରା ଶୁଖାଇଦେଲି ।
ଘରେଫେରି ମୁଁ କେତେ କାନ୍ଦିଲି
ଚଉକି ଉପରେ ବସିପଡ଼ିଲି ।
ଦୁଃଖ ସପନକୁ ନ ପାରି ଭୁଲି
କବିତା ପଦରେ ସଜାଇ ଦେଲି ।।