ବରଷା କାଳ

ବର୍ଷା ଆସୁଛିରେ ବର୍ଷା ଆସୁଛି 

କଳା କଳା ମେଘ ଆକାଶରେ ।

ଆଗକୁ କେମିତି ମାଡି ଆସୁଛି 

ଶିଖୀ ନାଚକରେ ମନ ଖୁସିରେ ।।

ବିଜୁଳି ଚମକେ ଘଡ଼ଘଡି ମାରେ 

ପବନ ବହୁଛି କେଡେ ଶୀତଳ ।

ବେଙ୍ଗୁଲି ନାନୀ ସୂଚାଇ ଦେଉଛି 

ଭଲ ବର୍ଷାଟିଏ ହେବ ଏଥର ।।

ଗଛ ନାଚୁଛନ୍ତି ମନ ଖୁସିରେ 

ହଲାଇ ଶାଖା ପବନ ତାଳେ ।

ମଧୁର କଣ୍ଠରେ ଚଢେଇମାନେ

ଗାଉଛନ୍ତି ଗୀତ ଗଛର ଡା଼ଳେ ।।

ଆରମ୍ଭ ହେଲା ବରଷା କାଳ

ଘଡ଼ ଘଡି ସହ ବିଜୁଳି ମାଡ଼ ।

ପାଣି ପାଇବେ ଜୀବ ଜଗତ 

ନବ ତରୁଲତା ହୋଇବେ ଜାତ ।।

ନଈ ନାଳ କୂଅ ସବୁ ପୋଖରୀ

ରହିବେ ଜଳରେ ପୂରଣ ହୋଇ ।

ମରୁଡ଼ିରୁ ରକ୍ଷା ପାଇବା ପାଇଁ 

ବର୍ଷାକୁ ସ୍ୱାଗତ କରହେ ଭାଇ ।।

ବନ ମୋହତ୍ସବ ପାଳନ କର

ବରଷା ଋତୁଟି ଅଟଇ ସାର ।

ଜଳହିଁ ଆମର ମୁଖ୍ୟ ସମ୍ପଦ 

ନଷ୍ଟ କରିବାନି ନେବା ଶପଥ ।।