ଘେନ ଗୁହାରୀ
ଘେନ ଗୁହାରୀ
ଘେନ ମୋ ଗୁହାରୀ ଆହେ ନୀଳକଣ୍ଠ
ଆଦି ଅନ୍ତ ତମେ ଜଗତର ନାଥ ।
ଘେନ ମୋ ଗୁହାରୀ ଆହେ ନୀଳଶୈଳ
ଜଗତ ର ନାଥ ନୀଳାଦ୍ରି ଠାକୁର ।
ଘେନ ମୋ ଗୁହାରୀ ଜଗତ ର ପତି
ଅଖିଳ ସ୍ଵାମୀନୀ ଲକ୍ଷ୍ମୀଙ୍କର ପତି ।
ଜଗତେ କଲ୍ୟାଣ କର ଆହେ ନାଥ
ତମେ ଆଦିକନ୍ଦ ସାରସ୍ଵତ ବେଦ ।
ଅଭଡ଼ା ତୁମର ଅମୃତ ର ଧାରା
ସୁଖା ନିର୍ମାଲ୍ୟ ରେ ପାଉଥାଏ ପୂଜା ।
କାଞ୍ଜିୟେ ନିର୍ମାଲ୍ୟ ପାଇକରି ତୁଣ୍ଡେ
ମର୍ତ୍ତ୍ୟ ରୁ ଆନନ୍ଦେ ପାରିହେବେ ସର୍ବେ ।
ଟଙ୍କ ତୋରାଣି ତ ଜୀବନ ର ଧାରା
ବହି ଚାଲିଥାଏ ରକ୍ତ ଶ୍ରୋତେ ଧାରା ।
ଅମୂଲ୍ୟ ସମ୍ପଦ ମହୀ ଧାରେ ସେତ
ତାକୁ ପାଇବାକୁ ସର୍ବେ ମାଡ଼ ଝାଟ ।
ଘେନ ମୋ ଗୁହାରୀ ଜଗତ ର ନାଥ
ତମେ ଆଦିକନ୍ଦ ବିଶ୍ଵ ର ଜନକ ।
ଅଶାନ୍ତ ସମୁଦ୍ର ତୁମରି ଆୟତେ
ବାଇଶି ପାହାଚେ ନତ ଆଜି ଟେକେ ।
ବିଶାଳ ତୁମର ହୃଦୟ ହେ ନାଥ
ସେହି ହୃଦୟ ରେ ବିଶ୍ଵ କୁ ଆଦରି ରଖ ।
ଘେନ ମୋ ଗୁହାରୀ ଜଗତ ଈଶ୍ୱର
ତୁମ ପାଦ ତଳେ କୋଟି ନମସ୍କାର ।
କରୁଛି ବିନତି ଆହେ ନୀଳଚକ୍ର
ତାରଣ୍ ହାରିବ ସବୁ ଲୋକଙ୍କର ।
ଘେନ ମୋ ଗୁହାରୀ ଜଗତ ଈଶ୍ୱର
ବ୍ରହ୍ମାଣ୍ଡ ନାୟକ ଆଖିଲେଶ୍ୱର ।
ଜଗତ ଜନନୀ ଜଗତ ଈଶ୍ୱର
ଆହେ ନୀଳଚକ୍ର ପତିତ ଈଶ୍ୱର ।
ପତିତ ବାନା ତ ଉଡୁଛି ଆକାଶେ
ଫର୍ ଫର୍ ହୋଇ ପବନର ସଙ୍ଗେ ।
ଗାଇ ଚାଲିଥାଏ ଗୁଣୁ ଗୁନୁ ସ୍ୱରେ
ରାଗିଣୀ ମୂର୍ଚ୍ଛନା ଧ୍ଵନି ରାଗ ସଙ୍ଗେ ।
ପତିତ ବାନା ର ସେହି ଧ୍ଵନି ଆଜି
ଶୋଭା ପାଇଥାଏ ଦେଶ ବିଦେଶରେ ।
ଘେନ ମୋ ଗୁହାରୀ ପତିତ ପାବନ
ମୁକ୍ତ ଆକାଶର ଦିଅ ଦରଶନ ।
ଭକ୍ତ ମାନେ ଆଜି ବ୍ୟାକୁଳ ନୟନେ
ଚାହିଁ ରହିଛନ୍ତି ତମ ଦର୍ଶନାର୍ଥେ ।
ଘେନ ମୋ ଗୁହାରୀ ବିଶ୍ଵ ଗୁରୁ ମୋର
ଅବିଳମ୍ବେ ଆସି ହାତ କୁ ମୋ ଧର ।
ଦିଅ ଯେ ସଦବୁଦ୍ଧି ଜ୍ଞାନ ମତେ ଆଜି
ଅଭୁଲା ବାଟ କୁ ପାଉନାହିଁ ଖୋଜି ।
ତୁମରି ଆଶିଷେ ଲଂଘିବି ଏ ପଥ
ଦିଅ ହେ ଆଶିଷ ଜଗତର ନାଥ ।