ବର୍ଷା ରାଣୀ
ବର୍ଷା ରାଣୀ
ଆଗୋ ପ୍ରିୟତମା ଅଳସୀ ବନ୍ଦନା
ମେଘ ଧାରା ପରା ତମେ
ପହିଲି ବର୍ଷା ର ପହିଲି ଛିଟାରେ
ଭିଜେଇ ଦିଅ ଯେ ମତେ ।
ତୁମରି ସ୍ପର୍ଶ କୁ ଅନାଇ ରହିଛି
ଗଛ ଲତା ଜୀବଜନ୍ତୁ
ଅଭିମାନ ଛାଡି କର ଆବିର୍ଭାବ
ଉଦ୍ଧାରିବେ ସବୁଜନ୍ତୁ ।
ଗଛଲତା ସବୁ ଶୁଷ୍କ ଯେ ଦିଶଇ
ରବି ଜ୍ଵଳା ଭୟଙ୍କର
ତୁମରି କରୁଣା ବାରି ଧରା ଧାମେ
ମନେ ଭରିଥାଏ ତୃଷ୍ଣା ।
ମେଘର ପ୍ରେୟସୀ ବରଷା ରାଣୀ ଯେ
ବାରି ଧାରା ଦିଅ ଢ଼ାଳି
ଚାହିଁ ରହିଅଛି ସମଗ୍ର ଜଗତ
ଆକୁଳ ଚିତ୍ତ ରେ ଆଜି ।
ବୁନ୍ଦା ବୁନ୍ଦା କରି ଛିଞ୍ଚି ଦିଅ ଜଳ
ଖୁସିରେ ନାଚୁ ଦୁନିଆ
ନରନାରୀ ଠାରୁ ଜୀବଜନ୍ତୁ ଯାଏ
ଖୁସିରେ ଭରୁ ଦୁନିଆ ।
ଅମାନିଆ ମୋର ଅବୁଝା ମନକୁ
ଦିଅ ଟିକିଏ ବୁଝାଇ
ମାନୁନାହିଁ ବୋଲ ତୁମ ଆଗମନେ
ପାଇବାକୁ ଟିକିଏ ଛୁଆଁ ।
ପୃଥିବୀ ମାଆ ର ବକ୍ଷ ର ଯନ୍ତ୍ରଣା
ଧୀରେ ଧୀରେ ଯାଉ ଭରି
ହସିବ ଦୁନିଆ ହସିବ ପୃଥିବୀ
ସବୁଜ ବନାନୀ ଘେରି ।
ଧିରି ଧିରି କରି ଚୁପି ଚୁପି କରି
ବରଷା ଆସଇ ମାଡ଼ି
ମନରେ ଦେହରେ ଉନ୍ମାଦ ଭରଇ
ଖୁସି ରେ ଛାଡନ୍ତି ରଡ଼ି ।