ରଜ ମଉଜ
ରଜ ମଉଜ
ଆସିଛି ରଜ ହେବ ମଉଜ
ଘର ଘରକା ଆଜି
ପିଠାପଣା ରେ ପେଟ ପୁରିବ
ନୂଆ ପୋଷାକ ପିନ୍ଧି ।
ଲୁଡୁ,ପଶାପାଲି,ବାଗୁଡ଼ି ଖେଳ
ଚାଲିଥିବ ଅହରହ
ପିଲାଠୁ ବୁଢ଼ା ସବୁ ଖେଳିବେ
ସାଙ୍ଗ ହୋଇକି ପରା ।
ନୂଆ ବସନ ଅଳତା ପିନ୍ଧି
ଝିଅ ମାନେ ହେବେ ସଜ
ରଜର ପାନ କଳରେ ଯାକି
ନାଲି କରିବେ ଓଠ ।
ପୋଡ଼ପିଠା କୁ କାକରା ଖଳି
ଲାଗେ ଯେ ଭାରି ମିଠା
ହୋଇଣ ସଜ ଗାଁ ବୁଲିଲେ
ଲାଗିଥାଏ ଭାରି ମଜା ।
ନାନା ପ୍ରକାର ଦୋଳି ଖେଳରେ
ମୁସଗୁଲ ହୁଏ ମନ
ଭଜନ,କୀର୍ତ୍ତନ,ପୁରାଣ,ବେଦ
ପିଣ୍ଡରେ ଭରେ ପ୍ରାଣ ।
ପାଦରେ ନାଲି ଅଳତା ଛନ୍ଦି
ମଥାରେ ନାଲି କୁଙ୍କୁମ ପିନ୍ଧି
ତରୁଣୀ ହୋଇଛି ସଜ
ଗାଁ ବୁଲାରେ ମିଳୁଛି ଭାରି ମଉଜ ।
ରଜ ତିନି ଦିନ ମନ ଖୁସିରେ
ସଭିଏ ନାଚି ବୁଲନ୍ତି
ବସୁଧା ମାଆ କୁ ପୂଜା କରିଣ
ଆଶୀର୍ବାଦ ଯେ ନିଅନ୍ତି ।
ରଜସ୍ୱଳା ହୁଏ ବସୁଧା ମାତା
ଦିଅନି ତାକୁ କଷଣ
ଚପଲ ପିନ୍ଧି ବୁକୁରେ ଗଲେ
ମିଳେ ଯେ ତାକୁ ଯନ୍ତ୍ରଣା ।
ରଜ ଆଣିଥାଏ ବରଷା ପାଣି
ଗ୍ରୀଷ୍ମ ରୁ ମିଳେ ତ୍ରାହି
କୃଷକ ଭାଇ ର ମନରେ ଭରେ
ଅସୀମ ଆନନ୍ଦ ଖୁସି ।