ସର୍ବସଂହିତା ମାଆ

ମାଆ ପରି କିଏ ହେବ

       ମଧୁରବଚନ କହିବ

ପିଲା ମାନଙ୍କର ଖୁସି ପାଇଁ ଯିଏ

          ସବୁକିଛି କରୁଥିବ

ଏନ୍ତୁଡ଼ିଶାଳ ରୁ ବୃଦ୍ଧା ହେବାଯାଏ

         ଲାଳନପାଳନ କରିବ

ସେହି ମାଆ ଆଜି ରାଜରାସ୍ତାରେ

          କାନ୍ଦିକାନ୍ଦି ବୁଲୁଥିବ

ଦଶମାସ ଯିଏ ଗର୍ଭେ ଧରିକରି

          ବକ୍ଷ ଅମୃତ ଯେ ଦେଲା

ନଖାଇ ନପିଇ ଛୁଆ କଥା ଯିଏ

          ପ୍ରଥମ ରୁ ବୁଝୁଥିଲା

ସନ୍ତାନ ର ପାଇଁ ଜୀବନ କୁ ସିଏ

         ବାଜିରେ ଲଗାଇ ଦେଲା

ତା ମାତୃତ୍ଵ ଆଗେ ମୁଣ୍ଡ ନୁଇବା କୁ

         କେବେ ଆମେ ନ ଭୁଲିବା

ବୁଝିପାରେ ଯିଏ ଦୁଃଖେ ସୁଖେ ଥିଲେ

            ମୁଁହ କୁ ସେ ଦେଖିକରି

ତା କୋଳେ ବସାଇ ସାଉଁଟି ମୁଣ୍ଡକୁ

          ପଣତ ରେ ଢାଙ୍କିଦେଇ

ମାଆ ର ମମତା ସୀମାହୀନ ସେତ

            ପାରାବାର ସମ ବଡ଼

ପାଇବୁ ନାହିଁରେ ଜଗତେ ମମତା

         ଯେତେ ଥିଲେ ବାହୁବଳ

ମାଆ ର ଆଶିଷ ସେନେହରେ ଭରା

             ରକ୍ଷାକବଚ ଅଟଇ

ଖୋଜି ଖୋଜି ଯେତେ ନୟାନ୍ତ ହେଲେ ବି

              ତାପରି ପାଇବୁ ନାହିଁ

କେବେ ସିଏ ଦୁର୍ଗା କେବେ ପୁଣି ଚଣ୍ଡୀ

           ସାଜିପାରେ ମହୀଧରେ

ନିଜ ସନ୍ତାନ ର ରକ୍ଷାପାଇଁ ସିଏ

          ନରସଂହାର ବି କରେ

କେବେ ସିଏ ପୁଣି ପର୍ବତ ସମାନ

          ଅଚଳ ମେରୁ ସାଜଇ

ନିଜ ସନ୍ତାନ ର ଖୁସିପାଇଁ ସିଏ

          ସବୁରି କଷଣ ସହି

ସଂସାର କୁ ଯିଏ ଆଣିଛି ତୁମକୁ

         କେବେ ତାକୁ ଭୁଲନାହିଁ

ଅସ୍ତିତ୍ଵ କୁ ତୁମ ବଜାଇ ରଖିଛି

           ଗର୍ଭେ ଦଶମାସ ଦେଇ

ଋଣ ଜୀବନରେ ସବୁ ସୁଝିପାର

         ମାତୃଋଣ କେବେ ନାହିଁ

ଜୀବନକାଳରେ ତାହାରି ସେବାରେ

         ଏ ଜୀବନ ବିତୁଥାଇ