ମୋ ପ୍ରିୟ ପାଠଶାଳା

ସୁନ୍ଦର କୋଠା ସୁନ୍ଦର ଶ୍ରେଣୀ

ମନକୁ ମୋର ନେଇଛି କିଣି 

ମୋ ପ୍ରିୟ ପାଠଶାଳା 

ତା ପରିବେଶ ଭାରି ସରସ

କରୁଛି ମତୁଆଲା ।

ମୋଅର ପ୍ରିୟ ଅତି ନିଜର 

ଅଟନ୍ତି ଗୁରୁ ଗୁରୁମା ମୋର 

ସୁଖ ଦୁଃଖରେ ସାହା

ପଢ଼ା ତାଙ୍କର ଉଚ୍ଚକୋଟୀର

ଭୁଲି ହୁଏନି ତାହା ।

ପ୍ରାର୍ଥନା ସଭା ମନକୁ ଛୁଏଁ 

ପିଲାଙ୍କ ଧାଡି ଶୃଙ୍ଖଳା କହେ 

ମନକୁ ନିଏ କିଣି 

ସଭିଙ୍କ କଣ୍ଠେ ଗୋଟିଏ ବାଣୀ 

ନମୋ ମା' ବୀଣାପାଣି ।

ଖେଳ ପଡିଆ ଭାରି ବଢିଆ 

ସାଙ୍ଗ ସାଥିରେ କଉତୁକିଆ

ଖେଳୁ ଯେ କେତେ ଖେଳ

ଖେଳ ଖେଳରେ ମନ ଖୁସିରେ

ବିତି ଯେ ଯାଏ ବେଳ ।

ଖୁସିରେ କେତେ ପାଳନକରୁ

ଉତ୍ସବ ସହ ଦିବସ ସବୁ 

ନିଆରା ମଜା ତା'ର 

ତାହା ଭିତରେ ବାର୍ଷିକୋତ୍ସଵ

ମନକୁ ଛୁଏଁ ମୋର ।

ସାଥିରେ ବହି ବସ୍ତାନି ଧରି 

ପିଲାଠି ବେଳୁ ଯେଉଁଠି ଯାଇ 

ଶିଖିଲି ନୂଆ ପାଠ

ବଢି ରଖିବି ତାହାର ମାନ

ରଖିବି ତା' ର ଟେକ  ।