ଆଧୁନିକ ଡାକବାଲା

ଦିନ ଦ୍ବିପହରେ ଜଣେ 

   କବାଟକୁ ବାଡେଇଲା, 

ଛୋଟିଆ ଚିଠିଟେ ଆଣି

   ହାତକୁ ମୋ ବଢ଼ାଇଲା । 

ପଚାରିଲି ବାବାଙ୍କୁ ମୁଁ 

    କିଏ ସେ ଲୋକଟି ଥିଲା, 

ଉତ୍ତରରେ କହିଲେ ସେ 

    ଆଧୁନିକ ଡାକବାଲା । 

ନଥିଲା ଖାକି ପୋଷାକ 

    କାନ୍ଧେ ତାର ଖାକି ମୁଣି,

ସାଇକଲଟି ଯାଇଛି 

     ଏବେ ଗାଡ଼ିରେ ବଦଳି । 

ମୁଣିରୁ ସେ ଚିଠି କାଢି 

      ଜମାରୁ ବଢ଼ାଉନାହିଁ, 

ଗାଡିର ଡିକିରେ ସବୁ 

      ରଖି ବୁଲି ଆସେ ସେହି । 

ମୁଣ୍ଡରୁ ହଜିଛି ଟୋପି 

      ନାହିଁ ସେ ପୁରୁଣା ଠାଣି,

କାମଟି ହୋଇଛି ଏବେ 

      ସହଜ ସୁବିଧା ପୁଣି । 

ମୋବାଇଲରେ ଜଣାଏ 

      ସୂଚନାକୁ ଦେଇ, 

ସବୁପରା ବଦଳୁଛି

       ଆଧୁନିକ ଯୁଗ ଏଇ ।