Library
ଲକ୍ଷେ ଶାଳଗ୍ରାମେ ରତନ ବେଦୀ
ଲକ୍ଷେ ଶାଳଗ୍ରାମେ ରତନ ବେଦୀ
ଦେବ ପୂର୍ଣ୍ଣିମାରେ କଲୁ ତୁ ରେ ସ୍ନାନ
କା ଳି ଆ ନାମ ଗୁଞ୍ଜନ
ଭାଇ ଓ ଭଉଣୀ ସଙ୍ଗରେ ଘେନିଣ
ଭକ୍ତେ ଦେଲୁରେ ଦର୍ଶନ ।
ବସିଅଛୁ ଯାଇ ଦେବ ମଣ୍ଡପରେ
ଭାଇ ଭଉଣୀ ସାଥରେ
ଲକ୍ଷେ ଶାଳଗ୍ରାମ ରତନ ବେଦୀରେ
ମଣିମା ଡ଼ାକ ଶୁଭେ ରେ ।
କିଏବା ନଚିହ୍ନେ କିଏବା ନଜାଣେ
ମହିମା ତୋର ପ୍ରଭୁହେ
ପରା ସୃଷ୍ଟିକର୍ତ୍ତା ଅନାଦି ଅନନ୍ତ
ଭକ୍ତ ଗୁହାରି ଶୁଣହେ ।
ଦେବଙ୍କର ଦେବ ତୁହି ଜଗନ୍ନାଥ
କରିଛୁ ସବୁ ଭିଆଣ
ଚରାଚର ପୃଥି ସ୍ବର୍ଗ ଓ ପାତାଳ
କରିଛୁ ପ୍ରଭୁ ନିର୍ମାଣ ।
ଲକ୍ଷେ ଶାଳଗ୍ରାମ ରତନ ବେଦିରେ
ବସିଅଛୁ ସିଂହାସନେ
ଶେଷ ନାଗ ରୂପେ ବଳରାମ ଭାଇ
ସୁଭଦ୍ରାରେ ହର୍ଷମନେ ।
ଗୃହର ସମ୍ପର୍କେ ରହିଛୁ ସର୍ବଦା
ଲକ୍ଷ୍ମୀଙ୍କ ମନ୍ଦିର ପାଶେ
ହାତ ପାଦ ତୁହି ଦେଇଛୁ ମନୁଷ୍ୟେ
କର୍ମ କରିବାର ଆଶେ ।
ଚକାନୟନରେ ଦେଖୁ ରଙ୍ଗଢଙ୍ଗ
କେଉଁ କର୍ମ କରୁଛନ୍ତି
ସତ୍ୟ ପଥେ ରହି କର୍ମ କରୁ ଥିଲେ
ସାନିଧ୍ୟ ତୋର ପାଆନ୍ତି ।
ନାମ ଗାଇ ଗାଇ ପ୍ରାଣ ଯାଉ ଏହୁ
ବୈକୁଣ୍ଠନାଥ ହେ ତୁହି
ଦେଉ ବୈକୁଣ୍ଠରେ ସ୍ଥାନରେ ଭକ୍ତଙ୍କୁ
ସତ୍ୟ ବଚନ ଟି ଏହି ।
ତୁହି ପୁରୀଧାମେ ଅଛୁରେ କାଳିଆ
ଆସୁ ଅଛି ରଥଯାତ୍ରା
ମାଉସୀ ଘରକୁ ଯିବୁ ଆଡ଼ମ୍ବରେ
ଦେଖିବ ଗୁଣ୍ଡିଚା ଯାତ୍ରା ।
ରତ୍ନ ବେଦୀ ପରେ ବସି ଅଛୁ ତୁହି
ନାରାୟଣ ନାରାୟଣ
ଲକ୍ଷେ ଶାଳଗ୍ରାମ ରତନ ବେଦିକୁ
ଜଗତ କରେ ପ୍ରଣାମ ।
